Qazaqstan qandaı shıkizat emes taýarlardy eksporttaıdy

ASTANA. KAZINFORM - Qazaqstan shet elderge negizinen mashına jasaý, hımııa, qaıta óńdeý jáne tamaq ónerkásibi taýarlaryn shyǵarady. Alaıda ótken jyldan beri shıkizat emes taýarlardyń da eksport kólemi ósip keledi. Bul týraly Kazinform agenttiginiń resmı saýalyna Saýda jáne ıntegratsııa mınıstrligi joldaǵan jaýapta jazylǵan.

— 2024 jyly jáne 2025 jyldyń alǵashqy eki aıynda Qazaqstannan tys shyǵarylatyn óńdelmegen (shıkizat emes) taýarlardyń eksport kólemi negizgi pozıtsııalar boıynsha natýraldy mánde de, aqshalaı mánde de aıtarlyqtaı ósti, — dep málimdedi mınıstrlikten.

Sonymen, Qazaqstan qandaı taýarlardy, qansha kólemde eksporttady?

Ferroqorytpa

• Eldiń negizgi eksporttyq taýarlarynyń biri bolyp qala beredi:
  2024 jyl boıynsha: 1,81 mln tonna — $2,43 mlrd-qa
  2025 jyldyń qańtar–aqpanynda: 268,8 myń tonna — $329,9 mln-ǵa.

Óńdelmegen alıýmınıı

• 2024 jyl: 242 myń tonna — $543 mln-ǵa
  2025 jyldyń basynda eksport kólemi 45%-dan astam tómendedi, eksporttan túsken tabys — $91,8 mln.

Óńdelmegen qorǵasyn

• 2024 jyl: 105 myń tonna — $202 mln.

Bastapqy formadaǵy plastmassalar

• 2024 jyl: 272 myń tonna — $229 mln
  2025 jyldyń basy: 10,3 myń tonna — $9,7 mln.

Kúnbaǵys maıy

• 2024 jyl: 496 myń tonna — $430 mln
  2025 jyldyń qańtar–aqpany: 113,9 myń tonna — $108,1 mln.

Kúnbaǵys kúnjarasy

• 2024 jyl: 452 myń tonna — $91 mln
  2025 jyldyń alǵashqy eki aıy: 108,1 myń tonna — $19,9 mln.

Elektr generatorlary

• 2024 jyl: 2,71 myń tonna — $58 mln.

Týrboreaktıvti qozǵaltqyshtar

• 2024 jyl: $162 mln-ǵa
• 2025 jyldyń basy: $13,9 mln, bul - ótken jyldyń osy kezeńimen salystyrǵanda 20 ese joǵary.

Organıkalyq hımııa

• 2024 jyl: $4,55 mlrd (kólemi 4%-ǵa artty)
  2025 jyldyń basy: 564,7 tonna — $72,5 mln.

Organıkalyq hımııanyń ózge baǵyty

• 2025 jyl: 10,3 myń tonna — $9,7 mln.

Mıneraldy tyńaıtqyshtar

• 2024 jyl: 403 myń tonna — $179 mln
• 2025 jyldyń basy: 85,2 myń tonna — $38,6 mln.

Farmatsevtıkalyq ónimder

• 2025 jyldyń basy: $2,44 mln.

Týrbınalar

• 2025 jyldyń basy: $68,5 mln.

Sondaı-aq, shıkizattyq emes ónimder qataryna mynalar kiredi:

• Beıorganıkalyq hımııa — 31,6 myń tonna ($15 mln)
• Sıyr eti — 3,3 myń tonna ($13,4 mln)
• Qamys qanty — 51 myń tonna ($21,8 mln)
• Alıýmınıı folgasy — $91,8 mln (2025 jyldyń basy)
• Alıýmınıı profılderi — shamamen 29 myń tonna ($82,5 mln)

Saýda jáne ıntegratsııa mınıstrligi bul derekter Qazaqstan eksporty qurylymynda qaıta óńdeý, mashına jasaý, hımııa jáne tamaq ónerkásibi ónimderiniń úlesi aıtarlyqtaı artqanyn kórsetetinin atap ótti.

— Kóp jaǵdaıda eksporttyq tabys fızıkalyq kólemderge qaraǵanda jyldamyraq ósip otyr, — dedi vedomstvodan.

Eske sala ketsek, Ónerkásip jáne qurylys mınıstri Ersaıyn Naǵaspaev Májilis depýtatynyń «Qazaqmys» kásiporny eksporttap otyrǵan ken men kontsentrattar týraly saýalyna jaýap bergen edi.