Qazaqstan qandaı qurylys materıaldaryn ımporttaıdy

ASTANA. QazAqparat – Bıyl 6 aıda elimiz 556 mln dollardyń qurylys materıaldaryn ımporttady. Bul týraly Ónerkásip jáne qurylys mınıstrliginen málim etti, dep habarlaıdy QazAqparat tilshisi.

«2023 jyldyń birinshi jartyjyldyǵynda qurylys materıaldary óniminiń ımporty 556,4 mln AQSh dollaryn (2022 jyldyń 6 aıynda 605,6 mln dollar) qurady. Naqty mánde taýar ımporty 1 383,9 myń tonna boldy»., - delingen mınıstrliktiń agenttik saýalyna bergen jaýabynda.

Vedomstvonyń naqtylaýynsha, osy jyldyń qańtar-mýsymynda elimizge syrttan ákelingen qurylys materıaldarynyń ishinde myna taýarlar basym boldy: keramıkalyq plıtka, qaǵaz túsqaǵaz, polımerli etılennen jasalǵan taqtalar, tabaqtar men úldirler, otqa tózimdi kirpish, qoj-maqta, mıneraldy sılıkat maqta, portlandtsement, keramıkalyq kirpish, otqa tózimdi sement, santehnıkalyq buıymdar jáne basqalary.