Qazaqstan qalalaryndaǵy janar-jaǵarmaı baǵasyna sholý (FOTO)
ASTANA. QazAqparat - Búgin túsken keıingi jaǵdaı boıynsha Astanadaǵy janar-jaǵarmaı quıý stansalarynyń kóbisinde dızel otynynyń baǵasy bir deńgeıde, tek keıbirinde aıyrmashylyq bar.
Atap aıtqanda «Oil» janar-jaǵarmaı quıý beketinde AI-92 benzıniniń lıtrine 125 teńge, AI-95 markasy - 142, AI-98 markasy - 158 teńge deńgeıinde qalyptasyp otyr.
«Gazpromneft» stansalarynda AI-92 benzıni - 125 teńge, AI-95 - 141 teńge, AI-98 - 158 teńge, dızel otyny (eýro-5) - 120 teńge kóleminde belgilengen.
«Gelıos» beketterinde AI-92 markasynyń lıtri 126 teńge bolsa, AI-95 markasy 143 teńge, al dızel otyny - 108 teńge somasynda saýdalanýda.
«Aýrıka» stansasynda AI-92 - 127 teńge, AI-95 - 143 teńge, dızel otyny - 108 teńgeni qurap otyr.
Budan bólek, «SINOOIL» beketinde AI-92 - 125 teńge, AI-95 - 143 teńge, dızel otyny - 108 teńge deńgeıinde ótip jatyr.
QMG beketterinde AI-92 - 125 teńge, AI-95 markasy 138 teńge, AI-98 - 146, dızel otyny - 108 teńge bolyp qalyptasty.
Sonymen qatar, «Asqar» janar-jaǵarmaı quıý stansasyndaǵy baǵada birshama ózgeshelik baıqaldy, ıaǵnı AI-92 lıtrine 125 teńge, AI-95 - 138 teńge, dızel otyny - 99 teńge kóleminde satylýda.
Munymen qosa, birqatar óńirler boıynsha janarmaı quıý beketterindegi baǵa zerdelendi. Máselen, Oral qalasynda QMG stansalarynda baǵa joǵaryda atalǵan deńgeıde.
«OralJan-Oıl» stansasynda AI-92 - 125 teńge, AI-95 - 140 teńge, dızel otyny - 124 teńgeni qurap otyr.
«Neftek» janarmaı quıý beketinde AI-92-125 teńge, AI-95 - 150 teńge, al dızel otyny - 125 teńge kóleminde saýdalanýda.
Almaty qalasynda QMG men «SINOOIL», «Gelıos» beketterinde otyn baǵasy Astanamen bir deńgeıde. «Satti zhol» stansasynda AI-92 benzınniń quny 122 teńgeden, al «Royal Retrol» beketinde AI-92 - 126 teńge, AI-95 - 145 teńge, AI-98 markasy - 165 teńge somasynda belgilendi.
Atap aıtqanda, Petropavlda «Shelf» ı «Etalon Avto» janarmaı quıý beketterinde dızel otyny 99 teńgeden bastalsa, QMG-da 108 teńgeni qurady. «Shelf» stansasynda AI-92 markaly benzınniń lıtri 126 teńge, AI-95 - 141 teńge, «Etalon Avtoda» AI-92 - 127 teńge, AI-95 - 142 teńge somasynda ótkizilýde.
Qazaqstan aýmaǵynda keńinen taralǵan janar-jaǵarmaı beketteriniń iri jelileri boıynsha Taldyqorǵan men Óskemende de baǵa bir deńgeıde.
Qyzylorda qalasynda 30-ǵa tarta maı quıý beketi bar. «SINOOIL», «Gelıos» sııaqty iri janarmaı quıý beketteri AI-92 benzınniń baǵasy 125 teńge, AI-80 benzıniniń baǵasy 89 teńgeden satylyp jatyr. Bul baǵanyń turaqty ornaǵanyna birshama ýaqyt boldy. Ázirge baǵada ózgeris joq. Al dızel otynynyń baǵasy 108 teńgeni quraıdy. Jalpy oblys aýmaǵyndaǵy janar maı baǵalary qalypty deńgeıdi ustap tur.
Sonymen qatar Kókshetaý qalasynda «Gelıos» pen QMG janarmaı quıý stansalarynda baǵalar joǵaryda atalǵan deńgeıde. Al «ıÝna» beketinde AI-92 - 123 teńge bolsa, AI-95 - 135 teńge somasynda belgilendi. «Etalon Avtoda» AI-92 - 127 teńge, AI-95 - 142 teńgeden satylýda.
