Qazaqstan qalalarynda kınoǵa bılet qansha turady

ASTANA. QazAqparat – Ulttyq statıstıka bıýrosy Qazaqstan óńirlerinde kınoteatr bıletteri qansha turatyny týraly málimet usyndy, dep habarlaıdy QazAqparat.

Statıstıka málimetine súıensek, ótken jeltoqsan aıynda elimizde kınoteatr bıletiniń ortasha baǵasy 1860 teńgeni qurady.

Eń qymbat bılet Atyraý qalasynda – 2 683 teńge. Odan keıin Shymkent – 2637 teńge, úshinshi orynda Túrkistan qalasy, munda kıno bıletiniń ortasha baǵasy 2598 teńge turady.

Eń joǵary baǵa sondaı-aq Aqtóbe, Óskemen jáne Kókshetaý qalalarynda tirkeldi. Onda kınoseansqa 1900-2500 teńge tólep kirýge bolady.

Ózge qalalarda baǵa 1350-1850 teńge aınalasynda. Al eń arzan bılet baǵasy Taraz qalasynda bolyp shyqty. Munda kınosúıer qaýym bir seans úshin orta eseppen 1 321 teńge tóleıdi.