Qazaqstan qalalarynda gaz ballony qansha turady

ASTANA. QazAqparat – Ulttyq statıstıka bıýrosy turmystyq gaz ballonynyń el óńirlerindegi baǵasy týraly málimet usyndy, dep habarlaıdy QazAqparat.

Qonaev qalasynyń turǵyndary suıytylǵan gaz úshin eń kóp aqsha jumsaıtyn bolyp shyqty. Onda gazdyń 50 lıtri 4600 teńge turady. Kógildir otyn, sondaı-aq Qaraǵandy ( 4380 tg), Almaty (4000 tg), Semeı (3886 tg), Óskemen (3733 tg) jáne Kókshetaý( 3177 tg) qalalarynda qymbat.

Gaz ballonynyń eń arzany Qyzylorda qalasynda – 50 lıtri 2500 teńge. Basqa qalalarda baǵa 2700-3000 teńge aralyǵynda.

Aıta keteıik, Aqtaý, Aqtóbe jáne Atyraý qalalary boıynsha derekter joq.