Qazaqstan qalalarynda aýa sapasy qandaı bolady
NUR-SULTAN. QazAqparat – 29 qarasha kúni elimizdiń 6 qalasynda jaǵymsyz meteorologııalyq jaǵdaı kútiledi, dep habarlaıdy QazAqparat.
Atap aıtqanda, «Qazgıdromet» málimetine sáıkes, juma kúni Nur-Sultan, Aqtóbe, Balqash, Qaraǵandy, Temirtaý jáne Óskemen qalalarynda aýa sapasy nasharlaıdy.
Ózge shaharlarda atmosferalyq aýanyń lastanýy kútilmeıdi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
