Qazaqstan qalalaryn tsıfrlandyrý 2024 jylǵa qaraı aıaqtalmaq
QR Indýstrııa jáne ınfraqurylymdyq damý mınıstrligi eldiń qurylys salasyn tsıfrlandyrý jáne «Tsıfrlandyrý, ǵylym jáne ınnovatsııalar esebinen tehnologııalyq serpilis» ulttyq jobasy aıasynda ınfraqurylymdyq obektilerdiń esebin jáne eldimekender qurylysy monıtorıngin jaqsartatyn memlekettik qala qurylysy kadastrynyń tsıfrlyq derekqoryn ázirleýde.
Qazir jerasty jáne jerústi ınjenerlik kommýnıkatsııalaryn túgendeý arqyly qalalardyń tsıfrlyq kadastrlyq josparlary jasalyp jatyr. Búgingi tańda jumystar 63%-ǵa aıaqtaldy. Qala qurylysy kadastrynyń derekqoryna qazirde 805 tsıfrlandyrylǵan bas jospar men egjeı-tegjeıli josparlar engizildi. Byltyr óńirlerde 25 myń gekter qurylys salynǵan aýmaq tsıfrlandyrylsa, bıyl Aqtóbe, Arys, Qaraǵandy, Lısakov jáne Óskemen qalalarynda ınjenerlik jelilerdi túgendeý josparlanǵan. Іri eldi mekenderdi (aýdan ortalyqtary deńgeıine deıin) tsıfrlandyrý sharalaryn 2024 jylǵa qaraı aıaqtaý kózdelip otyr.
Qala qurylysy kadastry júıesin biryńǵaı memlekettik jyljymaıtyn múlik kadastrymen jáne ákimdikterdiń geoportalymen biriktirý jumystary qatar júrgizilip jatqanyn aıta ketý kerek.