Qazaqstan qalalaryndaǵy valıýta baǵamy belgili boldy
ASTANA. KAZINFORM — Astana, Almaty jáne Shymkent qalalaryndaǵy aqsha aıyrbastaý pýnktterinde dollar, eýro jáne Reseı rýbliniń satyp alý jáne satý baǵamdary belgili boldy, dep habarlaıdy Kazinform tilshisi.
Kurs.kz derekterine sáıkes, Astanadaǵy aıyrbastaý pýnktterinde dollardy 450 teńgeden ótkizip, 457 teńgeden satyp alýǵa bolady. Eýronyń satyp alý baǵamy 504 teńge bolsa, satý baǵamy 514 teńgeni quraıdy. Al Reseı rýblin 5,4 teńgeden tapsyrýǵa, sondaı-aq 5,6 teńgeden satyp alýǵa bolady.
Almatydaǵy aıyrbastaý pýnktterinde dollar 452,5 teńgeden satyp alynyp, 454,7 teńgeden satylyp jatyr. Eýronyń baǵamy satyp alý kezinde 506 teńge, satý kezinde 510 teńge boldy. Sondaı-aq Reseı rýblin 5,4 teńgeden satyp alyp, 5,5 teńgeden satýǵa bolady.
Shymkent qalasynda dollardyń satyp alý baǵamy orta eseppen 453 teńgeni, al satý baǵamy 456 teńgeni qurady. Sonymen qatar Eýrony 505 teńgeden satyp alyp, 510 teńgeden satýǵa bolady. Al Reseı rýbliniń satyp alý baǵamy — 5,4 teńge, satý baǵamy — 5,48 teńge.
Aıta keteıik, buǵan deıin Qazaqstan qor bırjasyndaǵy (KASE) saýda-sattyq qorytyndysy boıynsha dollar baǵamynyń óskeni habarlanǵan bolatyn.
