Qazaqstan qalalarynda taksı qyzmeti tarıfiniń qandaı aıyrmashylyǵy bar
Kún saıyn júzdegen myń qazaqstandyq taksı qyzmetine júginedi. Keıbir adamdar úshin bul qymbat, al endi birine qalypty qyzmet túri. Kazinform agenttigi aımaqtardaǵy baǵany salystyryp kórdi.
Qazaqstan aımaqtarynda taksı qyzmetin usynatyn tasymaldaýshylar ártúrli, sáıkesinshe baǵa da ózgerip otyrady. Olardyń mobıldi qosymshasy jumys istep tur. Eń tanymaly ári suranysy joǵarysy - ıAndeks Go. Kompanııanyń resmı saıtyna súıenip taksı qyzmetiniń qunyn saralap kórdik. Bir shaqyrymnyń eń tómengi tarıfi nazarǵa alyndy. ıAǵnı suranys joǵary bolatyn qym-qýyt shaq, jańbyr men túrli jaǵdaılardan ózge kezdegi baǵa saralandy. Tarıfi eń tómen qala ol Taraz shahary bolyp shyqty. Munda ár shaqyrymyna 220 teńge suraıdy. Al qara syrtyna shyǵý qajet bolsa ár shaqyrymyna taǵy 120 teńge qosý kerek bolady. Ekinshi orynda Qyzylorda men Túrkistan qalalary tur. Munda ár shaqyrymy shamamen 230 teńgeden bastalady. Al qala syrtyna qatynaý úshin birinshisine taǵy 160 teńge, ekinshisine 130 teńge qosyp tóleýge týra keledi.
Tizimdegi kelesi qalalar - Qostanaı men Aqtóbe. Munda ekonom-klass qyzmeti shaqyrymyna 270 teńge dep kórsetilgen. Qala mańyna qatynaý úshin Qostanaıda 150 teńge, Aqtóbede 170 teńge qosa tóleý qajet. Kelesi qalalarda baǵa aldyńǵyǵa qaraǵanda 10 teńgege joǵary. Olar Taldyqorǵan, Aqtaý jáne Petropavl qalalary. Munda bir shaqyrym quny 280 teńgeden bastalady. Eger bul qalalardyń turǵyndary men qonaqtary qala mańyna barǵysy kelse 150, 180 jáne 190 teńge qosymsha tóleýi tıis.
Sonymen birge Shymkent jáne Pavlodar qalalarynda taksı qyzmetiniń quny shaqyrymyna 290 teńgeden bastalady. Onyń biri mıllıon turǵyny bar qala, al ekinshisi halyq sany odan tórt ese az shahar. Pavlodarda qala syrtyna barý úshin 170, al Shymkentte shaqyrymyna 120 teńge kórsetip tur. Oral men Semeı qalalarynda taksı qyzmetiniń tarıfi 300 teńgeden bastalady. Al qala syrtyna qatynaý quny 180 teńgeden joǵary. Odan ári Atyraý men Qaraǵandy qalalary tur. Munda bir shaqyrym úshin qyzmet tarıfi 320 teńge. Bir qyzyǵy Atyraýda qala syrtyna tasymaldaý quny elimiz boıynsha eń arzany. Munda shaqyrymyna 100 teńge qosylady. Al Qaraǵandyda orta eseppen 150 teńge tóleıdi.
Ári qaraı Jezqazǵan qalasy tur. Muna ár shaqyrymyna 330 teńge esepteledi. Al qala syrtyna tasymaldaý quny 140 teńge dep kórsetilgen. Sońynan bastaǵanda úshinshi turǵany - Kókshetaý qalasy. Munda tarıf 350 teńgeden bastalady. Al qala syrtyna bara qalsańyz ár shaqyrymyna qosymsha 130 teńge esepteledi.
Óskemende baǵa ózge óńirlerge qaraǵanda joǵary. Munda taksı qyzmetiniń quny shaqyrymyna 370 teńgeden bastalady. Al qala syrtyna tasymaldaý quny 220 teńgeden bastalyp, joǵarylaı beredi.
Al birinshi orynda Astana men Almaty qalalary tur. Munda taksı qyzmetine suranys joǵary ári baǵa 400 teńgeden bastalady. Soltústik jáne ońtústik astanamyzdaǵy qala syrtyna jetý quny 130 teńgeden joǵary.
Aıta keteıik, Qazaqstannyń barlyq qalasynda «Ekonom» tarıf bar. Sonymen birge keıbir qalalardy premıým, jetkizý, kýrer jáne birge barý qyzmetteri túgeli «Komfort» qyzmetiniń ózin qarastyrylmaǵan.
Aıta keteıik, buǵan deıin birinshi surypty unnan jasalǵan nan baǵasy saralandy.
