Qazaqstan qalalarynda soǵym baǵasy qansha teńge
ASTANA. KAZINFORM – Kúzdik soıyp alǵandar endi soǵymǵa daıyndalyp jatyr. Soǵymǵa sıyr nemese jylqy etin alýdy josparlap júrgen adamdar onyń baǵasy suranys pen maldyń kúıine qaraı ártúrli ekenin bilýi tıis. Sonymen birge aıaqtap nemese jiliktep satyp alýǵa bolady. Bul týraly Kazinform agenttiginiń tilshisi saralap kórdi.
Túrkistanda eger aıaqtap nemese jiliktep satyp alsa, jylqy etiniń kelisi 2 400 – 2 800 teńge, al sıyr eti shamamen 2 900 – 3 500 teńge bolyp tur.
Atyraý qalasynda soǵymǵa arnalǵan jylqy etiniń kelisi 2 500 – 2 600 teńgege satylyp jatyr. Qazirgi kezde jylqynyń ortasha baǵasy – 450 – 550 myń teńge. Al sıyr etiniń baǵasy – 3 200 – 3 300 teńge. Al soǵymǵa dep satyp alsańyz kelisin 2 900 – 3 500 teńgege eseptep beredi. Sıyrdyń ortasha baǵasy – 350 myń teńge.
Semeı qalasynda jylqy etiniń kelisi – 2 600 — 3000 teńge. Soǵymǵa jabaǵy tańdasa ortasha baǵasy – 250 – 320 myń teńge, al bıe shamamen 500 – 600 myń teńge bolady. Sıyr etiniń baǵasy kelisine 3 000 – 3 300 teńge bolyp tur. Al salmaǵy 140 – 160 keli bolatyn baspaq etiniń kelisi 3 200 teńgeden (448 — 512 myń teńge) satylyp jatyr. Al salmaǵy 170 – 200 keli bolatyn qashar etiniń kelisi 3 000 teńge (510 — 600 myń teńge) bolyp tur. Salmaǵy 180 – 230 keli tartatyn sıyr etiniń kelisi – 2 800 teńge (504-644 myń teńge).
Shymkentte eger sharýalardan jylqy etin satyp alsa, kelisi 2 650 teńgege túsedi. Jabaǵyny munda 270 myń teńgege baǵalap tur. Al eger aıaqtap, jilikten satyp alsa, kelisine 2 700 teńge suraıdy. Sonymen birge sharýalar etti tapsyrys berýshiniń úıine deıin jetkizýge ázir. Ózge qalalarǵa da jibere alady. Al bazarda ettiń kelisi 3 700 teńge. Eger súıegi azyn ári qazyny tańdasa kelisi 4 800 teńgege deıin jetedi. Shymkentte sıyr etiniń baǵasy shamamen 3 800 – 4 200 teńge. Bazarda sıyrdyń som etiniń kelisi – 6 500 teńge.
Oralda jylqy etiniń baǵasy kelisine – 2 700 teńge. Jabaǵyny munda shamamen 300 myń teńgege satyp alýǵa bolady. Bir aıaǵy orta eseppen 75 – 80 myń teńgege shyǵady. Sıyr etiniń kelisi shamamen - 2 500 – 4 500 teńge. Munda da sıyr semiz bolsa, baǵa sáıkesinshe joǵary. Batys Qazaqstan oblysynda bordaqylaý alańyndaǵy sıyrdy tirileı ólshep, kelisine 1 700 – 1 800 teńge (shamamen 250 – 270 myń teńge) esepteıdi.
Almatyda jylqy etiniń kelisi – 2 700 — 3 500 teńge. Al aıaqtap, jiliktep satsa kelisi 3 200 teńge bolyp tur. Mal bazarda baıtal, taı baǵasy 450 myń teńgeden bastalady. Jiliktep satyp alsa kelisi – 2 900 teńge. Orta eseppen salmaǵy 25 – 30 kelige tartady. Eger qalasańyz, salmaǵy 12 – 15 keli bolatyn jarty bóligin de satyp alýǵa bolady. Soǵamǵa arnalǵan qashar etiniń kelisi – 2 900 – 3 400 teńge. Al sıyr etin 3 300 teńge dep baǵalap otyr. Jiliktep alǵan adamdar kelisine 3 500 teńge tóleıdi. Ortasha salmaǵy 25 – 30 kelige shyǵady.
Qyzylordada jylqy etiniń kelisi 2 800 teńge, al sıyr etiniń baǵasy 2 900 teńge bolyp tur. Eger soǵymǵa dep sıyrdy túgel satyp alsa, kelisine 2 500 teńge esepteledi. Sonymen birge bul óńirde de úıge jetkizý qyzmeti bar. Etti tórtke bólip, qapshyqqa salyp beredi.
Taraz qalasynda jylqy etiniń kelisi – 2 800 – 3 000 teńge. Soǵymǵa dep jiliktep, aıaqtap alsańyz da baǵa osy. Sıyr etiniń baǵasy orta eseppen kelisine 3 500 – 3 800 teńge. Bazarda ettiń kelisi odan sál joǵary. Jylqy etiniń kelisi – 3 500 teńge, sıyr etiniń kelisi – 3 700 – 4 000 teńge. Sýpermarketterde baǵa joǵary. Jylqy etiniń kelisi – 4 000 teńge, al sıyr etiniń kelisi – 4 500 – 5 500 teńge. Munda da som etiniń baǵasy jilikti bóligine qaraǵanda joǵary.
Astanada jylqy etiniń baǵasy – 2 800 – 3 000 teńge. Artqy aıaǵyn shamamen 290 myń teńgege satyp alýǵa bolady. Al soǵymǵa arnalǵan jylqynyń baǵasy 450 myń teńgeden bastalady. Eger jiliktep alsa, kelisi 3 500 teńge. Sıyr etiniń baǵasy orta eseppen 3 000 – 3 600 teńge. 2-3 jasar qashardy 320 myń teńgege satady. Al aıaqtap satyp alsa, etiniń kelisi 3 200 teńge.
Qostanaıda jylqy etiniń kelisi – 2 800 – 3 200 teńge. Taıdyń baǵasy orta eseppen – 550 – 700 myń teńge. Aıaqtap satyp alsa kelisin 2 800 teńgege beredi. Bir aıaǵy shamamen 170 – 180 myń teńgege shyǵady. Sıyr etiniń kelisi – 3 100 – 3 400 teńge, eki jasar qashar baǵasy 450 – 500 myń teńge. Al soǵymǵa arnalǵan sıyr etiniń baǵasy orta eseppen – 620 myń teńge. Bir aıaǵy shamamen 160 myń teńgege shyǵady.
Aqtaýda jylqy etiniń kelisi 2 800 – 3 400 teńge, sıyr etin 3 800 teńgege satyp alýǵa bolady.
Kókshetaýda jylqy etiniń kelisi 2 900 teńge. Bıeni munda 500 – 600 myń teńgege satyp alýǵa bolady. Eger bir aıaǵyn alsa, 125 – 150 myń teńgege shyǵady. Sıyr etiniń baǵasy 3 000 teńgeden bastalady. Eger aıaqtap, jiliktep alsa kelisine 2 200 – 2 900 teńge esepteledi.
Óskemende soǵymǵa arnalǵan jylqy etiniń kelisi – 2 900 – 4 000 teńge. Al jabaǵynyń baǵasy – 200 – 250 myń teńge. Munda sıyr eti – 3 200 – 3 800 teńge.
Pavlodarda jylqy etin kelisine 3 000 – 3 200 teńgege satyp alýǵa bolady. Al bazardaǵy baǵasy – 3 800 – 4 000 teńge. Sıyr etin 3 800 – 4 500 teńgege baǵalap tur. Eger soǵymǵa aıaqtap, jiliktep satyp alsa 3 200 – 3 800 teńgege esepteıdi. Qonaev turǵyndary jylqy etiniń kelisi 3 000 teńgege, sıyr etiniń kelisin 3 200 – 3 500 teńgege satyp alyp júr.
Aqtóbede soǵymǵa arnalǵan jylqy etiniń baǵasy 3 200 teńge, al sıyr etiniń kelisi 2 800 – 2 900 teńge.
Petropavlda jylqy etiniń kelisi 3 400 teńge dep baǵalandy. Taıdyń bir aıaǵyn 150 myń teńgege satyp alady. Al sıyr etiniń kelisi 4 500 teńgeden bastalyp tur. Jaýyryny men qabyrǵasyn alsa, kelisine 3 400 teńge bolady. Al eger sharýalardan tikeleı satyp alsa kelisine 2 200 teńge esepteledi.
Qaraǵandy men Jezqazǵanda jylqy etiniń kelisi 3 500 teńge, al sıyr etiniń kelisi 2 800 teńge. Soǵymdy tirileı de satyp alýǵa bolady. Ol kezde jabaǵa 200 – 300 myń teńge, taı shamamen 350 myń teńge, baıtal 450 – 500 myń teńge, bıe 550 – 700 myń teńge.
Taldyqorǵanda jylqy etiniń kelisi – 3 800 – 4 000 teńge. Tirileı alsa, 600 myń teńgege shyǵady. Taıdy 530 myń teńgege baǵalap tur. Bári de soǵymǵa arnalǵan maldyń kúıine, salmaǵyna baılanysty. Sıyr etiniń kelisi shamamen 3 800 teńge, keı jerlerde 4 000 – 4 500 teńge. Eger tek som etin satyp alsa, kelisine 5 000 teńge esepteledi. Sıyrdy 600 myń, qashardy 500 myń teńgege satyp alasyz.
Buǵan deıin jylqy eti áleýmettik mańyzy bar taýar qataryna kirýi múmkin ekeni týraly jazyldy.
Kazinform buǵan deıin lımon men apelsın baǵasyn da salystyrdy.