Qazaqstan qalalarynda sańyraýqulaq baǵasy qansha
ASTANA. KAZINFORM — Aq sańyraýqulaq pen shampınon baǵasyna birneshe faktor áser etip tur. Óńirdiń logıstıkasy, tasymaldaý araqashyqtyǵy, suranysy men saýda oryndarynyń jaǵdaıy da baǵaǵa óz septigin tıgizedi. Keptirilgen jáne balǵyn aq sańyraýqulaq baǵasy aımaqtarda 1800 teńgeden bastalady. Al shampınonnyń óńirlerdegi baǵasyn Kazinform tilshi anyqtap bildi.
Elimizdiń astanasyndaǵy gıpermarketterde shampınon baǵasy aktsııa kezinde 2400 teńge bolyp tur.
Al Óskemende sańyraýqulaq baǵasy 2500-3000 teńge aralyǵynda. Semeı qalasynda da baǵa osy shamada. Kelisi — 2300-2500 teńge.
Taraz qalasynda baǵa 2500-2700 teńge bolsa, Aqtóbe qalasyndaǵy baǵa 2600-2700 teńge.
Petropavlda qazirgi kezde baǵa sál kóterilip tur. Sańyraýqulaqtyń kelisi — 2450-2800 teńge.
Al Qostanaıdaǵy baǵa — 2600-2800 teńge aralyǵynda.
Oral qalasynda ózge óńirlerge qalaǵanda baǵa tómen. Munda shampınonnyń kelisi 2350 teńgege satylyp jatyr. Qaraǵanda sańyraýqulaqtyń kelisi 2160 teńge dep kórsetilgen.
Kókshetaý men Qaraǵandyda baǵa ártúrli. Kókshetaýda 2500-2900 teńge, al Shymkentte 2500-3200 teńge aralyǵynda.
Taldyqorǵan qalasynda da dúkenderdegi baǵa bir-birinen alshaq. Keı jerde sańyraýqulaq kelisi 1400 teńge bolsa, taǵy bir saýda ornynda 3200 teńgege satylyp jatyr. Bul shampınonnyń sapasy men qaıda ósirilgenine (jergilikti, tasymaldanǵan, jabaıy, jylyjaıda ósirilgen) baılanysty ózgerip tur.
Pavlodarda baǵa 3000-3345 teńge aralyǵynda. Bul elimizdegi ortasha baǵadan joǵary. Jezqazǵan qalasyndaǵy baǵa — 2800 teńge. Túrkistan qalasynda sańyraýqulaqtyń kelisi — 2500-3000 teńge aralyǵynda.
Joǵary baǵa ádettegideı megapolıste tirkeldi. Almatyda shampınon baǵasy 2800 teńgeden bastalyp, 4000 teńgege deıin jetti.
Qonaev qalasyndaǵy baǵa 2000-3500 teńge aralyǵynda. Al sańyraýqulaq baǵasy Aqtaý qalasynda tómen. Kelisi — 1600-1800 teńge.
Buǵan deıin Qazaqstan qalalaryndaǵy jartylaı daıyn ónimder baǵasy jazyldy.