Qazaqstan qalalarynda qyryqqabatty tuzdap ashytý baǵasy qansha
ASTANA. KAZINFORM — Alǵashqy úsik júrgen kezde adamdar áýeli qyryqqabatty tuzdap ashytýǵa kirisedi. Kazinform agenttiginiń tilshisi adam azǵasyna paıdaly taǵamdy daıyndaý úshin qansha qarjy qajet ekenin eseptep shyqty.
Dıetologtar kúzdiń sýyǵynda qyryqqabatty tuzdap ashytý, kúndelikti tutyný paıdaly dep esepteıdi. Ony kóbine kúzdiń alǵashqy úsigi júzgen kezde daıyndaıdy.
Tuzdap ashytylǵan qyryqqabattyń paıdasyn kóp. Іshik jáne as qorytý jumysyn jaqsartady. Sonymen birge S dárýmenine baı, ımmýndyq júıeniń jumysyn qalpyna keltiredi, súıekke paıdaly. Qannyń uıyp qalmaýyna septigin tıgizedi.
Ári tuzdap ashytylǵan qyryqqabattyń kalorııasy az. Sáıkesinshe adamdar salmaǵyn qalypty ustap turý úshin as mázirine qosady.
Qyryqqabatty tuzdap ashytý ádisi kóp. Keıbir adamdar oǵan dámdeýish qosady. Onyń ishinde zere dámi, askók, kúnze (korıandr-red.), qara burysh, lavr japyraǵy bar. Keıbiri múkjıdek nemese qyzyljıdek qosady. Sonymen birge jemis-jıdek pen túrli kókónis qosyp daıyndaıtyndar da bar. Olar qyshqyl alma, qyzylsha, bolgar buryshyn da qosady. Qyryqqabatty tuzdaý úshin sarymsaq, aqjelkek tamyry, zimbir nemese aşy burysh ta salady.
Biz qarapaıym túrin daıyndaýǵa qansha aqsha qajet ekenin esepteımiz. Ol úshin aqbas qyryqqabat, sábiz ben tuz baǵasy ǵana qajet.
Qarapaıym quramy: 2 keli aqbas qyryqqabat, 200 gr sábiz jáne 50 gr tuz. Eger birden mol etip daıyndaǵyńyz kelse, 10 keli aqbas qyryqqabat, 1 keli sábiz jáne 250 gr tuz kerek. Qazaqstanda tuzdyń kelisi orta eseppen — 85 — 180 teńge. Bizge tek 250 gr tuz qajet. Onyń baǵasy 100 teńgege de jetpeıdi. Aqshanyń kóp bóligi qyryqqabat satyp alýǵa jumsalady.
Qazaqstan qalalaryndaǵy qyryqqabat pen sábiz qunyn bilgen kezde eń tómen baǵa Taraz ben Shymkentte tirkeldi. 10 kelilik qyryqqabattan (+1 kg sábiz) paıdaly taǵam daıyndaý úshin munda 1 700 teńge jumsaýǵa bolady.
Túrkistanda — 1 730 teńge, Kókshetaýda — 1 720 teńge, Almatyda — 1 739 teńge jáne Qostanaıda — 1 755 teńge. Demek baǵa sál joǵary.
Pavlodarda qajetti kókónisti satyp alýǵa 1 850 teńge qajet. 10 keli qyryqqabat pen 1 keli sábizdiń baǵasy keı qalalarda 2 000 — 3 000 teńge aralyǵynda. Olar: Petropavl (2000 teńge), Oral (2 010 teńge), Aqtóbe (2 055 teńge), Qaraǵandy (2 185 teńge), Astana (2 380 teńge), Jezqazǵan (2 400 teńge), Qyzylorda (2570 teńge), Atyraý (2720 teńge), Aqtaý (2780 teńge) jáne Taldyqarǵan (2 800 teńge) qalalary. Qajetti kókóniske Semeıde 3 070 teńge al Óskemende 3 850 teńge jumsaıdy. Bul — eń joǵary baǵa.
Baǵa aıyrmashylyǵyna qaramastan daıyn ónimdi satyp alǵannan óziń daıyndaý áldeqaıda arzanǵa túsedi. Qazaqstanda 1 keli daıyn ónim baǵasy shamamen 800 teńgeden bastalyp 1 200 teńgege deıin barady.
Buǵan deıin el qalalaryndaǵy lımon men bal baǵasy týraly jazyldy.
