Qazaqstan qalalarynda kıno bıletiniń quny qansha

Shaǵyn ǵana qalalarda kıno kórý baǵasy tómen bolsa, iri megapolısterde bılet quny 6-7 myń teńgege jetti. Al VIP-zal men jaıly oryndardyń baǵasy odan da joǵary.

Kınoǵa kirý bıletiniń baǵasy elimizdiń shaǵyn óńirlerinde tómen. Máselen, Kókshetaý qalasynda bılet baǵasy 1 400 teńge, Túrkistanda 1 500 teńgeden bastalady. Al Taraz ben Pavlodarda 1 600 teńge jáne odan joǵary. Jezqazǵan, Qostanaı, Qyzylorda, Oral, Petropavl men Óskemen qalalarynda bılet baǵasy 2 000 teńgeden bastalady.

Іri qalalar men megapolısterde bılet quny múlde basqasha. Munda baǵa bir-birinen alshaq keledi. Shymkent qalasynda bılet baǵasy 2 200 — 7 000 teńge aralyǵynda. Eń arzany men qymbatynyń arasyndaǵy aıyrmashylyq 4 800 teńge bolyp tur. Almaty qalasynda kıno bıletiniń baǵasy — 2 000 — 6 000 teńge. Eń arzany ózge óńirlerge jaqyn bolsa, al qymbaty eldegi ortasha baǵadan joǵary. Máselen Qaraǵandy qalasynda baǵa 2 200 — 2 400 teńge, Petropavlda 1 900 — 2 200 teńge aralyǵynda. Shaǵyn qalalarda baǵada aıyrmashylyq az. Sebebi kórermenniń kóbi qarapaıym zaldy tańdaıdy.

Astana qalasynda eresekterge arnalǵan bılet baǵasy shamamen 1 700 — 3 800 teńge. Bir qaraǵanda baǵa qalypty. Alaıda top bolyp zal ishinde kıno kórý quny basqa, shaǵyn ǵana ujymmen barsa, bılet baǵasy ózgeredi. Keıde bıletti 2 000 teńgege satyp alady. Al jańa tehnologııa qoldansa, VIP-zal bolsa qymbatqa túsedi.

Elimizdegi oblystardyń kóbinde baǵa qalypty. Aıyrmashylyq joqtyń qasy. Máselen Aqtaýda bılet baǵasy 1 900 — 2 400 teńge, Aqtóbede 2 000 — 2 600 teńge, Atyraýda 2 400 — 3 000 teńge, Qostanaıda 1 800 — 2 500 teńge, Oralda 1 800 — 2 200 teńge bolyp tur.

Otbasylyq bıýdjetti josparlaǵan kezde kınoǵa qansha adam baratynyn eskergen jón. Bir adamǵa 2 000 teńge bolsa, eki eresek adam 4 000 teńge tóleıdi. Al eki eresek jáne bir bala barsa, shamamen 6 000 teńgeden 9 000 teńgege deıin jumsaıdy. Bılet qala men kıno seansyna qaraı ózgerip otyrady. Al eger VIP-zaldy tańdap alsa, baǵa birneshe ese ósedi.

Jaıly ortada kıno kóretin adamdardyń biraz shyǵyndalýyna týra keledi. VIP-bıletter baǵasy 10 000 teńgeden 20 000 teńgege deıin barady. Aqysyn tólese shalqaıyp otyryp kıno kórýge bolady. Sonymen birge oryndyqtardyń arasy bir-birinen alshaq ornalasady. Dybys pen beıne sapasy soǵan saı áser qaldyrady.

Astana qalasyndaǵy dál osyndaı kınoteatrlardyń bılet baǵasy 30 000 teńge bolyp tur. Sonda Qazaqstandaǵy eń arzan bılet pen (shamamen 1 400 teńge) premıým-segment arasyndaǵy aıyrmashylyq 20 esege jetedi.

Sóıtip Qazaqstandaǵy zamanaýı kınonaryqty ekige bólip qaraýǵa bolady. Birinde barshaǵa qoljetimdi, ekinshisinde suranysqa saı sapaly qyzmet. Ekeýin bir-birinen ajyratýǵa da kelmeıdi. Bir óńirde kınoǵa kirý bıletiniń quny tómen, alaıda tańdaý az. Al Almaty, Astana men Shymkent qalalarynda bılet baǵasy joǵary, sáıkesinshe barshaǵa ortaq zal nemese jańa tehnologııaly VIP-oryndar usynady.

Eske salaıyq, buǵan deıin mýzeılerge kirý baǵasyn salystyrǵan edik.