Qazaqstan qalalarynda qant baǵasy qansha
ASTANA. KAZINFORM — Tosap qaınatatyn shaqty elimizde qantqa suranys artady. Sáıkesinshe bazardaǵy baǵany salystyryp qarap, arzanyn alady. Kazinform agenttiginiń tilshisi de óńirlerdegi qant baǵasyn bildi.
Eń arzany Taraz qalasynda satylyp jatyr. Munda qanttyń kelisi 385 teńgeden bastalyp, 410 teńgege deıin jetip tur. Al áleýmettik dúkende 365 teńgege satylady.
Aqtaý qalasynda baǵa árkeldi. Kelisi 420 teńgeden bastalyp, keı dúkende 500 teńgege jetken. Áleýmettik baǵa 400-420 teńge aralyǵynda. Oral qalasynda da kelisi 420 teńge. Al áleýmettik baǵa - 410 teńge.
Túrkistan, Taldyqorǵan men Pavlodarda qant baǵasy 430 teńge bolyp tur. Túrkistanda áleýmettik baǵa 400, Taldyqorǵanda 421, al Pavlodarda 425 teńge.
Qyzylordada qanttyń kelisi 440 teńge bolsa, áleýmettik dúkende 398 teńgege satylyp jatyr. Qostanaı qalasynda da baǵa osy shamada. Kelisi - 440 teńge. Al áleýmettik qant baǵasy 434 teńge.
Qaraǵandyda qanttyń kelisin 450 teńgege satyp alýǵa bolady. Al áleýmettik qant baǵasy - 410 teńge.
Astana qalasynda qumshekerdiń ortasha baǵasy 460 teńge bolyp tur. Áleýmettik baǵa - 380-420 teńge aralyǵynda.
Petropavlda qanttyń kelisi 465 teńgeden bastalyp, 480 teńgege deıin barady. Áleýmettik taýar sóresindegi baǵa - 460 teńge.
Jezqazǵanda qanttyń kelisi 470 teńge, al áleýmettik baǵa 430 teńge. Aqtóbe qalasynda da baǵa osy shamalas. Dúkende kelisi 470 teńgege satylsa, áleýmettik sóredegi baǵa - 424 teńge.
Atyraýda baǵa basqa. Munda dúkende qant kelisi 480 teńge bolsa, áleýmettik baǵa kerisinshe qymbat. Kelisi - 510 teńge. Mundaı baǵany sýpermarketterden keziktiresiz.
Kókshetaýdaǵy dúken men sýpermarketterde qanttyń kelisi 481 teńge, áleýmettik baǵa 420 teńge.
Semeı men Óskemende kelisi 500 teńge bolyp tur. Al áleýmettik sórede kelisi 450 teńgege satylyp jatyr.
Shymkentte baǵa árkelki. Qarapaıym ǵana dúkende qant kelisi 600 teńgeden bastalyp, 900 teńgege deıin jetip qalǵan.
Al kóterme baǵasy (25 keli) - 439 teńge. Qalada áleýmettik taýar baǵasy kelisine 450 teńge.
Qonaev pen Almaty qalasynda da baǵa osy shamalas. Kelisi - 628 teńge. Áleýmettik baǵa - 455-459 teńge.
Aıtyp óteıik, Kazinform buǵan deıin qara órik pen nektarın, https://kaz.inform.kz/news/kara-ork-pen-nektarin-bagasi-kansha-a7b964 rýkkola, asjapyraq, jalbyz ben kók jýa baǵasyn bildi.