Baýyrsaq pen shelpek qaı óńirde qansha turady
ASTANA. KAZINFORM – Baýyrsaq pen shelpek – dastarhannyń kórki ǵana emes, kóptegen otbasynda dástúrli jáne súıikti taǵamdardyń biri. Olardyń quny aımaqqa, ázirleýshige jáne ónimniń salmaǵyna baılanysty ózgerýi múmkin.
Baǵalardy anyqtaı kele baıqaǵanymyz, eń arzan baýyrsaq Oral qalasynda, mundaǵy jergilikti dúkender kelisin 650 teńgeden satady. Biraq jeke aspazdarda baýyrsaqtyń kelisi 1700 teńgeden bastalady. Taba nannyń (shelpek ornyna aldyq — avt.) 1 danasy 300 teńge turady.
Petropavlda bir keli baýyrsaqtyń quny 1300 teńgeden bastalady, al taba nannyń (shelpek satylmaıdy) baǵasy 200-300 teńge aralyǵynda.
Bir keli daıyn baýyrsaqty satyp alý úshin almatylyqtar men astanalyqtar 1300-2200 teńge tóleıdi. Bul qalalarda shelpek baǵasy 100 teńgeden bastalady.
Pavlodarda baýyrsaq kelisi — 1400 teńge, al taba nan 245 teńge turady. Tarazdaǵy baǵa uqsas: bir keli baýyrsaqty 1400-1600 teńgege, al taba nandy 200-300 teńgege satyp alýǵa bolady.
Qonaev, Jezqazǵan jáne Qaraǵandyda bir keli baýyrsaq baǵasy 1500 teńgeden bastalady. Shelpek quny — 150-200 teńge.
Kókshetaýda bir keli daıyn baýyrsaq 1600-2000 teńgeden satylsa, shelpekti dúkennen 150 teńgege alasyz.
Taldyqorǵanda baýyrsaqtyń kelisi 1700 teńgeden bastalady, taba nan 200-300 teńge turady.
Aqtaý, Qostanaı, Túrkistan, Shymkent jáne Qyzylordada baýyrsaq 1800 teńgeden saýdalansa, shelpek quny 150 teńgeden (Aqtaý, Qyzylorda) bastalyp, 200-400 teńgege deıin (Qostanaı, Shymkent, Túrkistan) barady.
Al Atyraýda baýyrsaqtyń ortasha baǵasy — 2000 teńge, shelpek quny 200 teńgeden bastalady.
Óskemen men Semeı qalalarynda baýyrsaq baǵasy arzan emes, ortasha eseppen bir kelisi 2400 teńge (3800 teńgeden satatyn jeke aspazdar bar), al shelpek 150 teńge turady.
Eń qymbat baýyrsaq Aqtóbede, munda bir kelisi — 3000-3800 teńge, shelpek quny 400 teńgeden bastalady.
Buǵan deıin Qazaqstandaǵy qymyz ben shubat baǵasy týraly da jazǵan edik.
Sondaı-aq Kazinform elimizde súndetke otyrǵyzý qyzmeti qansha turatyndyǵyn anyqtady.
Aıta ketsek, elektrık pen santehnıktiń qyzmet aqysy da ár túrli keledi.