Qazaqstan kalıan shegýge tyıym salýy múmkin
ASTANA. 6 aqpan. QazAqparat - Qazaqstanda kalıan shegýge tyıym salynýy múmkin. Bul týraly búgin «Kalıan týraly shyndyq» atty dóńgelek ústelde QR Densaýlyq saqtaý vıtse-mınıstri Erık Baıjúnisov málim etti.
«Menińshe bul jaqyn jyldardyń enshisindegi is», - dedi vıtse-mınıstr.
Onyń aıtýynsha, kalıanǵa tek qoǵamdyq oryndarda shegýge tyıym salynady.
«Temeki shegýdi shekteıtin zańnama jáne shekti konventsııa aıasynda, shylym men basqa da temeki ónimderin, sonyń ishinde kalıandy tolyǵymen tyıym salý baǵytynda biz 5 jyl ishinde Qazaqstandaǵy zańnamaǵa tıisti ózgertýler engizý kerekpiz», - dedi E.Baıjúnisov.
Jetekshi sarapshylardyń aıtýynsha, kalıandy jıi shegetin adamdarda baýyr, ókpe, búırek, júrek, qýyq, jatyr moıynshaǵy obyry syndy aıyqpas dertter men týberkýlez jıi tirkeledi. Al kalıannyń ózinen ishek jáne kók irińdi taıaqshalar, zeń, ashytqysh sańyraýqulaqtar, stafılokokk aýreýs tabylǵan. Sonymen qatar bir kalıan 100 shylymdy shekkenmen bara-bar eken.
Dúnıejúzilik densaýlyq saqtaý uıymynyń Qazaqstandaǵy ókili Melıta Výınovıchtiń aıtýynsha, kalıandy qoǵamdyq oryndarda shegýdi onyń otany sanalatyn birqatar arab elderinde de tyıym salǵan.
