Qazaqstan JARUS pılotsyz avıatsııa salasyndaǵy erejelerdi ázirleý jónindegi komıtetke kirdi
Búgin Qazaqstannyń avıatsııalyq ákimshiliginde JARUS pılotsyz avıatsııa salasyndaǵy erejelerdi ázirleý jónindegi birlesken komıtetiniń ókilderimen kezdesý ótti. Kezdesýge Azamattyq avıatsııa komıtetiniń jáne Qazaqstannyń avıatsııalyq ákimshiliginiń basshylyǵy, sondaı-aq pılotsyz avıatsııanyń túrli uıymdarynyń ókilderi qatysty.
QR IIDM Azamattyq avıatsııa komıtetiniń tóraǵasy Lastaev Talǵat Qazaqstan úshin pılotsyz avıatsııany damytýdyń jáne JARUS-pen ózara is-qımyldyń mańyzdy rólin atap ótti.
Kezdesý barysynda Qazaqstannyń avıatsııalyq ákimshiliginiń JARUS pılotsyz avıatsııa salasyndaǵy erejelerdi ázirleý jónindegi birlesken komıtettiń músheligine kirýi týraly hatqa qol qoıý rásimi ótti.
JARUS tarapynan qujatqa pılotsyz avıatsııa salasyndaǵy talaptardy ázirleý jónindegi birikken avıatsııalyq bılik komıtetiniń bas hatshysy Liu Hao, Qazaqstan tarapynan «Qazaqstannyń avıatsııalyq ákimshiligi» AQ bas dırektory Katalın Radý qol qoıdy.
«Qazaqstanda jáne Ortalyq Azııa aýmaǵynda alǵash ret ushqyshsyz avıatsııalyq júıelerdi retteý jónindegi halyqaralyq uıymǵa kirý týraly hatqa qol qoıyldy, sondaı - aq Qazaqstan UUA paıdalaný qaǵıdalaryn engizý jónindegi birinshi el bolyp tabylady», - dep atap ótti Katalın Radý óz sózinde.
Kezdesý sheńberinde sondaı-aq Qazaqstan Respýblıkasynda pılotsyz avıatsııany retteý salasy úshin semınar ótýde, onyń negizgi maqsaty pılotsyz avıatsııalyq júıelerdi retteý men damytýdy úılestirýge baılanysty túrli taqyryptardy talqylaý bolyp tabylady.
Semınar barysynda pılotsyz avıatsııa ındýstrııasynyń aǵymdaǵy jaǵdaıy, qazirgi problemalar men múmkindikter, sondaı-aq Qazaqstannyń pılotsyz avıatsııalyq júıeler salasyndaǵy qoldanystaǵy zańnamasy, pılotsyz avıatsııa salasyndaǵy zańnamaǵa túzetýlerge sholý talqylanady.
Qazaqstan JARUS-qa qosylǵan 66-shy el boldy.
Aıta keteıik, JARUS - ushqyshsyz avıatsııalyq júıeler úshin standarttar men erejelerdi ázirleý jáne kelisý úshin retteýshilerdi, salalyq sarapshylardy jáne basqa da múddeli taraptardy biriktiretin kommertsııalyq emes halyqaralyq uıym.
