Qazaqstan Izraılden óz azamattaryn evakýatsııalaýǵa járdem surady
ASTANA. KAZINFORM — QR Syrtqy ister mınıstri Ermek Kósherbaev Izraıl memleketiniń Syrtqy ister mınıstri Gıdeon Saarmen telefon arqyly sóılesti, dep habarlaıdy vedomstvonyń baspasóz qyzmeti.
Taraptar Taıaý Shyǵystaǵy aǵymdaǵy ahýaldy talqylap, ekijaqty yntymaqtastyqtyń ózekti máselelerin qarastyrdy.
— Suhbat barysynda E.Kósherbaev ızraıldik áriptesine Izraılde júrgen QR azamattaryn evakýatsııalaýǵa járdem kórsetý týraly ótinish bildirip, bul másele elimiz úshin basym mindetterdiń biri ekenin atap ótti, — delingen habarlamada.
Óz kezeginde G.Saar Izraıl tarapy Qazaqstan azamattaryn evakýatsııalaý máselesin sheshýge bar kúsh-jigerin salatynyn jetkizip, bul máseleni óziniń jeke baqylaýyna alatynyna sendirdi.
Osydan buryn QR SІM evakýatsııa bastalǵaly Taıaý Shyǵystan elge 7300 adam jetkizilgenin málimdedi.