Qazaqstan izdeý jarııalaǵan 33 adam TMD aýmaǵynda ustaldy – ІІM

NUR-SULTAN. QazAqparat – Qazaqstan polıtseıleri TMD elderindegi áriptesterimen birge «Іzdeý» jedel aldyn alý sharasyn ótkizdi. Bul týraly QR ІІM resmı ókili Nurdildá Oraz aıtyp berdi, dep habarlaıdy QazAqparat.

«25 qyrkúıek pen 1 qazan aralyǵynda QR Іshki ister mınıstrligi TMD elderimen birleip, «Іzdeý» operatsııasyn ótkizdi jáne izdeýde júrgen 343 qylmysker ustaldy. Onyń ishinde kisi óltirgeni úshin – 3, densaýlyǵyna aýyr zııan keltirgeni úshin – 7, qaraqshylyq úshin – 2 jáne tonaý úshin – 3 qylmys jasaǵandar bar», - dedi Nurdildá Oraz mınıstrlikte ótken brıfıngte.

Respýblıkadan tys jerlerde, sonyń ishinde TMD elderinde Qazaqstan izdeý jarııalaǵan 33 adam ustaldy.

«Atap aıtqanda, Almaty polıtsııa departamentiniń izdeý tapsyrmasy boıynsha Máskeýde qarjy pıramıdasyn quryp-basqarǵany úshin izdestirilgender, sondaı-aq asa iri mólsherde alaıaqtyq jasaǵany úshin izdestirilgender ustalǵan. Reseıdiń Chelıabınsk qalasynda qylmystyq qaýymdastyq qurǵany úshin jáne ony basqarǵany úshin Qostanaı oblysynyń polıtsııa departamenti 2013 jyldan beri izdep jatqan kúdikti ustady. Al Chelıabi oblysynda transulttyq uıymdasqan top quryp, ony basqarǵany úshin Shyǵys Qazaqstan polıtsııasy izdestirgen adam ustaldy», - dedi N. Oraz.