Qazaqstan IYU-ǵa múshe elder arasyndaǵy saýda-ekonomıkalyq yntymaqtastyq týraly Bas kelisimge qosyldy

ASTANA. QazAqparat - Qazaqstan Respýblıkasy Ulttyq ekonomıka mınıstri Erbolat Dosaev Stambýl qalasynda (Túrkııa) Islam Yntymaqtastyǵy Uıymy Ekonomıkalyq jáne saýda yntymaqtastyǵy boıynsha turaqty komıtetiniń 31-otyrysyna qatysty, dep habarlaıdy vedomstvonyń baspasóz qyzmetinen.

Islam Yntymaqtastyǵy Uıymy (IYU) Ekonomıkalyq jáne saýda yntymaqtastyǵy boıynsha turaqty komıtetiniń 31-otyrysy (KOMSEK) Túrkııa Prezıdenti Redjep Erdogan men Islam Yntymaqtastyǵy Uıymynyń (IYU) Bas hatshysy Iııad Madanıdyń tóraǵalyǵymen ótti.

KOMSEK Mınıstrler sessııasynyń qorytyndysy boıynsha Erbolat Dosaev Islam Konferentsııasy Uıymyna múshe elder arasyndaǵy ekonomıkalyq, tehnıkalyq jáne saýda yntymaqtastyǵy týraly bas kelisimge qol qoıdy. Bas kelisim - Islam Yntymaqtastyǵy Uıymyna (IYU) múshe elderdiń ekonomıkalyq yntymaqtastyǵyn retteıtin basty qujattardyń biri.

Erbolat Dosaev: «Qazaqstannyń kelisimge qosylýy IYU elderimen tyǵyz áriptestik qatynastardy damytýǵa serpinis beredi, ıslamdyq qarjy jáne ekonomıkalyq ınstıtýttarmen yntymaqtastyqty belsendetedi, Qazaqstan Respýblıkasyna ınvestıtsııalardy tartýǵa járdemdesedi», - dep aıtty.

Sondaı-aq, otyrystyń qatysýshylary Azyq-túlik qaýipsizdigi jáne aýyl sharýashylyq boıynsha IYU Mınıstrleri Konferentsııasynyń 7 sessııasymen birge Azyq-túlik qaýipsizdigi boıynsha Islam uıymynyń Bas Assambleıasynyń І sessııasyna daıyndyǵyn talqylady. Aldyn ala málimetter boıynsha onyń ótkizilýi Astanada 2016 jylǵy sáýir aıyna josparlanǵan.

Qazaqstan Úkimeti jáne Azyq-túlik qaýipsizdigi boıynsha Islam uıymynyń otyrysy sheńberinde Azyq-túlik qaýipsizdigi boıynsha Islam uıymynyń otyrysy quqyqtyq statýsy týraly kelisimge qol qoıý josparlanyp otyr.