Qazaqstan ITB China 2025 kórmesiniń negizgi qatysýshylar tizimine endi
ASTANA. KAZINFORM — Qazaqstan ITB China halyqaralyq kórmesine alǵash ret qatysady, dep habarlaıdy Týrızm jəne sport mınıstrliginiń baspasóz qyzmeti.
ITB China — jyl saıyn álemniń 80 elinen 600-den astam eksponent pen iriktelgen 1 000 baıer qatysatyn, 15 000-nan astam týrızm salasynyń kásibı mamandary bas qosatyn halyqaralyq týrıstik kórme.
Qazaqstan stendi kórme uıymdastyrýshylary ótkizgen resmı VIP-týr baǵdarlamasyna engen sanaýly elderdiń qataryna kirdi — 500-den astam eksponenttiń ishinen nebári 12 el tańdap alynǵan.
Kórmedegi eń úlken halyqaralyq stendterdiń biri Qazaqstanǵa tıesili. Bıyl alǵash ret myna óńirler biryńǵaı ulttyq delegatsııa quramyna endi:
- Astana
- Almaty
- Aqmola oblysy
- Almaty oblysy
- Mańǵystaý oblysy
- Túrkistan oblysy
- Air Astana áýe kompanııasy.
QR UQK Shekara qyzmetiniń derekterine sáıkes, 2024 jyly Qytaıdan kelgen týrıster sany 650 myń adamnan asyp, 2019 jylmen salystyrǵanda 9 ese ósken.
2024 jyly Qytaıdan kelgen týrıster elimizde 307 mıllıon AQSh dollarynan astam qarajat jumsady.
ITB China kórmesine qatysýdyń kútiletin nátıjeleri:
- Qazaqstannyń týrıstik brendiniń tanymaldyǵyn arttyrý;
- Qytaıdan jáne álemniń basqa da elderinen keletin týrısterdi tartý;
- Týrıstik aǵyndy kóbeıtý jáne sala tabysyn ulǵaıtý;
- Halyqaralyq týroperatorlarmen jáne uıymdarmen kelisimsharttar jasaý.
Buǵan deıin Aqtóbede erekshe balanyń sýret kórmesi ótip jatqanyn jazdyq.