Qazaqstan-Italııa qatynasyn ilgeriletýge eshqandaı kedergi bolmaýy tıis — Prezıdent

ASTANA. KAZINFORM — Qazaqstan-Italııa qatynasyn ilgeriletýge eshqandaı kedergi bolmaýy tıis. Bul týraly Aqordada Italııa Premer-Mınıstri Djordja Melonımen keńeıtilgen quramdaǵy kelissóz barysynda Memleket basshysy Qasym-Jomart Toqaev aıtty.

— Qazir ǵana túrli máselelerge, ekijaqty ózara qarym-qatynasymyzǵa jáne halyqaralyq kún tártibinee qatysty óte baıypty kelissóz boldy. Bul kóptegen saladaǵy bizdiń ekijaqty ózara qarym-qatynasymyzǵa tyń serpin bererine senimdimin, — dedi Prezıdent.

Memleket basshysynyń dereginshe, Italııa Qazaqstannnyń saýda seriktesteri arasynda úshinshi, al Eýropa Odaǵy elderi arasynda birinshi orynda tur. Ótken jyly eki eldiń arasyndaǵy taýar aınalymy 20 mlrd dollarǵa jetti. Bul kólemdi arttyra túsýge de aıtarlyqtaı áleýet bar.

— Árıne, naryǵymyzda kóptegen ıtalııalyq kompanııanyń tabysty jumys isteýin joǵary baǵalaımyz. Úkimetimizge málim jáne sizderdiń kompanııalaryńyzǵa belgili bir jeńildikter beretin bolamyz. Naryǵymyzda olarda qandaı da bir másele bolsa, maǵan aıtsańyz. Biz sheshimin tabamyz. Arasymyzdaǵy ózara qarym-qatynasty ilgeriletýge eshqandaı kedergi bolmaýy tıis, — dedi Qasym-Jomart Toqaev.

Aıta keteıik, Qasym-Jomart Toqaev Aqordada Italııa Premer-mınıstri Djordja Melonımen shaǵyn quramda kelissóz júrgizgen edi. 

Keshe elordada «Italııa — Qazaqstan» iskerlik forýmy ótip, eki eldiń uıymdary jalpy somasy 180 mıllıon eýro bolatyn 10 memorandýmǵa qol qoıdy. 

Al búgin tústen keıin Memleketter basshylarynyń qatysýymen birinshi «Ortalyq Azııa — Italııa» sammıti ótedi.