Qazaqstan ıtalıandyq qurylys kompanııasyna qatysty sot sheshimin májbúrlep oryndatty
Budan buryn habarlanǵandaı, 2019 jylǵy 11 maýsymda Parıj qalasyndaǵy Halyqaralyq saýda palatasynyń tórelik soty «Todini Impregilo Kazakhdorstroy» BK qurylys kompanııasy bastamashylyq etken daý boıynsha Qazaqstan Respýblıkasynyń paıdasyna sheshim shyǵardy. Talap aryz somasy 20 mln AQSh dollaryn qurady.
Sheshimge sáıkes, Talapker 277 000 AQSh dollaryn Qazaqstan Respýblıkasyna keltirilgen shyǵystar esebinde tóleýi tıis boldy.
«Todını» tórelik sheshimdi óz erkimen oryndaýdan bas tartýyna baılanysty Ádilet mınıstrligi Qazaqstan Respýblıkasynyń aýmaǵynda tórelik sheshimdi taný jáne ony oryndaý maqsatynda is-sharalar keshenin ótkizdi.
Birinshi kezeńde, QR Azamattyq protsestik kodeksiniń 503-babyn basshylyqqa ala otyryp, Ádilet mınıstrligi Nur-sultan qalasynyń Mamandandyrylǵan aýdanaralyq ekonomıkalyq sotyna tórelik sheshimdi taný jáne oryndaý týraly ótinish berdi. Azamattyq is júrgizý zańnamasynyń talaptaryna sáıkes qajetti materıaldardy jınaý júzege asyryldy, tórelik sheshimniń, birlesken kásiporynnyń jáne korporatıvtik qujattardyń túpnusqasyn sot isin júrgizý tiline aýdarý qamtamasyz etildi.
Ádilet mınıstrligi sotty óz talaptarynyń zańdy ekendigine sendire aldy, nátıjesinde sot Ádilet mınıstrliginiń talaptaryn tolyq kólemde qanaǵattandyrdy. Keıinnen «Todını» apellıatsııalyq tártippen Nur-sultan qalasynyń MAES uıǵarymyn joıýǵa áreket jasady. Alaıda Nur-sultan qalasynyń soty ótinish berýshilerdiń talaptaryn qoldaýdan bas tartty.
«Todını» tórelik sottyń sheshimin oryndamaǵandaı sot aktisin de óz erkimen oryndamady. Osyǵan baılanysty olardy májbúrlep oryndaý isi júzege asyryldy. Nátıjesinde 277 000 AQSh dollary óndirildi.
Osylaısha, Ádilet mınıstrligi tórelikte memlekettiń múddelerin qorǵaý jáne tórelik sheshimdi oryndaý jónindegi jumysty tolyq kólemde aıaqtady.
