Qazaqstan ıspanııalyq qorǵa kıiz úı tartý etti
ASTANA. QazAqparat - Ispanııa ortalyǵyndaǵy Montes-de-Toledo óńirinde Ortalyq Azııa kóshpendileriniń dástúrli turǵyn úıi kıiz úı tigildi. Ispandyq EFE basylymynyń jazýynsha, bul Qazaqstan Respýblıkasy Tuńǵysh Prezıdenti qorynyń Karmen Arnaý Mýro qoryna syılyǵy.
Kıiz úıdiń dıametri 6,5 metr jáne bıiktigi 4 metrge deıin jetedi, ishi qazaqtyń ulttyq jabdyqtarymen, áshekeılerimen toltyrylǵan.
Kıiz úı Sibir halyqtary men Ortalyq Azııa mádenıetterin zertteýge arnalǵan eki mýzeıdiń biri jáne antropolog Karmen Arnaý qory ornalasqan Las-Ventas-kon-Penıa-Agılera qalasyna quryldy.
Sibir men Ortalyq Azııaǵa 20 ret ekspedıtsııa jasaǵan Arnaý kıiz úıdi áserli dep ataǵan. «Bul úlken qýanysh, bul ǵajaıyp. Eki jyl boıy hat jazyp, kıiz úı surap edim. Qalaýym oryndaldy», - dedi ol.
Kıiz úıdi qurý rásimine Qazaqstannyń Ispanııadaǵy Elshisi Baqyt Dúısenbaev, qazaqstandyq delegatsııa, mýzykanttar men jergilikti qazaq dıasporasy qatysty. Olar qazaqtyń ádet-ǵuryptaryn kórsetip, etnografııalyq mýzeıge kelýshilerge ashyq aspan astynda qazaqtyń taǵamdary men sýsyndarynan dám tatqyzdy.
