Qazaqstan-Ispanııa Úkimetaralyq komıssııasy yntymaqtastyq keleshegin talqylady

ASTANA. QazAqparat - 27 qyrkúıek kúni Astanada Qazaqstan men Ispanııa Úkimetteri arasyndaǵy ekonomıka jáne ónerkásip salasyndaǵy yntymaqtastyq jónindegi komıssııanyń 8-otyrysy ótti, dep habarlaıdy QazAqparat QR Ulttyq ekonomıka mınıstrligine silteme jasap.

Úkimetaralyq komıssııa otyrysy QR Ulttyq ekonomıka vıtse-mınıstri Áset Erǵalıev pen Ispanııanyń Saýda jónindegi bas hatshy Shıan Margarıd Mendes Bertolonyń teń tóraǵalyǵymen ótti.

Onyń barysynda eki el rasyndaǵy saýda-ekonomıkalyq yntymaqtastyqtyń qazirgi jaǵdaıy men damý perspektıvalary talqylandy.

Qazaqstandyq tarap elimiz ekonomıkasyna ınvestıtsııa salý úshin keleshegi zor bolýy múmkin ınvestıtsııalyq jáne memlekettik-jekemenshik áriptestik jobalaryn jarııalap otyratyn bolady.

Atap ótilgendeı, komıssııa aıasynda «Qazaqstan-Ispanııa» iskerlik keńesiniń 5-otyrysyn ótkizý josparlanǵan. Onyń qyzmeti eki el bıznesi arasyndaǵy ekijaqty yntymaqtastyqty damytýǵa baǵyttalǵan.

Qazaqstannyń quzyrly organdarynyń statıstıkasy boıynsha, 2017 jyly elimizdiń Ispanııamen syrtqy saýda aınalymy 26,3% artyp, 1 mlrd 698,6 mln AQSh dollaryn qurady (2016 jyly - 1 mlrd 344,5 mln AQSh dollary).