Qazaqstan Islam yntymaqtastyǵy uıymynyń aıasyndaǵy azyq-túlik qaýipsizdigin úılestirýshisi bolady
Aıta keteıik, Senat «Azyq-túlik qaýipsizdigi jónindegi Islam uıymynyń jarǵysyn ratıfıkatsııalaý týraly» QR Zańyn qabyldady.
Qazaqstan 1995 jyldan beri Islam yntymaqtastyǵy uıymynyń múshesi bolyp tabylady. «2011 jyly 28 maýsymda Astanada ótken Islam yntymaqtastyǵy uıymy Syrtqy ister mınıstrleri keńesiniń sessııasynda Prezıdent N. Nazarbaev Uıym sheńberinde azyq-túlik boıynsha ózara kómek týraly bastama jasady. Azyq-túlik resýrstaryn eksporttaıtyn memleket retinde mundaı Uıymnyń shtab-páterin Qazaqstanda ornalastyrý usynylǵan edi. Bul bastamanyń aıasynda Qazaqstannyń usynysy Islam yntymaqtastyǵy uıymynyń barlyq múshe memleketteri tarapynan qoldaý tapty», - dedi qujat boıynsha baıandaǵan Aýyl sharýashylyǵy mınıstri Asyljan Mamytbekov.
Mınıstrdiń aıtýynsha, 2012 jyldyń qarasha aıynda Djıbýtıda ótken IYU keńesiniń sessııasynda Astanada jańa organdy qurý jáne onyń jarǵysyn ázirleý týral sheshim qabyldanǵan. Al Azyq-túlik qaýipsizdigi jónindegi Islam uıymynyń jarǵysy 2013 jyldyń 10 jeltoqsanynda Konakrıde on toǵyz memlekettiń ókilderimen qabyldanǵan.
«Boljanyp otyrǵan halyq sanynyń artýy, ýrbanızatsııa jáne azyq-túlikti tutyný daǵdylarynyń ózgerýi sebepti azyq-túlik qaýipsizdiginiń ózektiligi áli de arta túsetinin álemdegi jaǵdaı áli de kórsetip otyr. BUU janyndaǵy Azyq-túlik jáne aýyl sharýashylyǵy uıymynyń málimetterine sáıkes, 2050 jylǵa qaraı Jer sharyndaǵy halyq sany 9 mlrd adamnan asady dep boljanady. Al halyq sanynyń artýy negizinen damýshy elderge, sonyń ishinde IYU múshe elderge tıesili», - deıdi A. Mamytbekov.
Onyń aıtýynsha, Uıymnyń shtab-páterin ózinde qabyldaı otyryp, Qazaqstan Islam yntymaqtastyǵy uıymynyń aıasyndaǵy azyq-túlik qaýipsizdigi úılestirýshi rólin ózine alady.
Tutastaı alǵanda, Azyq-túlik qaýipsizdigi jónindegi Islam uıymynyń negizgi maqsattarynyń biri múshe memleketterge aýyl sharýashylyǵyn, azyq-túlik qaýipsizdigin tıimdi damytýdyń, shóleıttenýden, orman alqaptarynyń azaıýynan, topyraqtyń erozııasy men sortańdanýynan týyndaǵan problemalardy sheshýdiń jolyn usyný bolyp tabylady. Budan bólek, qajetti shuǵyl jáne gýmanıtarlyq kómekti aıqyndaý, onyń ishinde azyq-túlik qaýipsizdiginiń rezervterin qurý kózdeledi.
