Qazaqstan ishki naryqty taýyq jumyrtqasymen tolyq qamtamasyz etip otyr

NUR-SULTAN. QazAqparat – Qus jeminiń qymbattaýyna baılanysty qus ósirýshiler qıyndyqqa tap bolyp otyr. Bul týraly Qazaqstan qus ósirýshileri odaǵynyń prezıdenti Rýslan Sháripov aıtty, dep habarlaıdy QazAqparat tilshisi.

«Jumyrtqa boıynsha 100 paıyz qamtamasyz etip otyrmyz, 5 mlrd-tan jumyrtqa jınaımyz. Byltyr 286 myń tonna qus eti óndirilse, bıyl bul kórsetkish 300 myń tonnaǵa jetip qalýy múmkin», - R. Sháripov elordadaǵy ІH halyqaralyq qus ósirýshiler forýmynda tilshiler saýalyna jaýap bere otyryp.

Sonymen qatar ol qus jeminiń qymbattaýyna baılanysty qus ósirýshiler qıyndyqqa tap bolǵanyn aıtty.

«Qus jeminiń bir tonnasy 180-190 myń teńgege jetti. Qus eti men jumyrtqanyń ózindik qunynda 70 paıyzy jemniń baǵasyna qatysty bolady. Eger qus jemi arzan bolsa, onda bizdiń ónim de naryqqa tómen baǵamen shyǵady», - dedi R. Sháripov.

Qazaqstannyń qus ósirýshileri osy salaǵa memlekettik qoldaý jasaýdy surap otyr.