Qazaqstan ishki naryqty astyqpen qamtamasyz etýge jáne 7-8 mln. tonna eksporttaýǵa qaýqarly - M.Ómirıaev
ASTANA. 23 qarasha. QazAqparat - Qazaqstan ishki naryqty astyqpen qamtamasyz etýge jáne 7-8 mln. tonna eksporttaýǵa qaýqarly.
Bul týraly búgin elordada bastalǵan 6-shy qazaqstandyq «KAZGRAIN-2012» astyq forýmy aıasynda BAQ ókilderine suhbat bergen QR Aýyl sharýashylyǵy vıtse-mınıstri Músilim Ómirıaev málim etti.
«Oblys ákimderiniń aldyn ala málimetteri boıynsha jıyntyq astyq 14,8 mln. tonnany quraıdy. Túsim gektaryna 9,8 tsentnerden», - dedi ol.
Bul rette vıtse-mınıstrdiń aıtýynsha, naqty málimet óńirlerden resmı statıstıkalyq derekter jınalyp, tolyq óńdelgennen keıin elimizdiń Statıstıka agenttigimen jeltoqsan aıynyń ishinde jarııa etiletin bolady.
«Degenmen de aldyn ala málimetter ótken jyldan qalǵan astyqty esepke alǵanda bul kólemniń respýblıkanyń ishki tutynýyn ári 7,8 mln. tonna deńgeıindegi eksporttyq áleýetti qamtamasyz etýge jetkilikti», - dedi M.Ómirıaev.
