Qazaqstan ISAR úkimetaralyq jumys tobynyń vıtse-prezıdenti bolyp saılandy
22 - 26 qazan aralyǵynda Jenevada (Shveıtsarııa Konfederatsııasy) Halyqaralyq qarjylyq eseptilik standarttaryna (ISAR) arnalǵan úkimetaralyq jumys tobynyń 35-shi otyrysy ótip jatyr.
Bul alańda alǵash ret Qazaqstannyń ókili ISAR tóraǵasynyń orynbasary bolyp saılandy.
Býhgalterlik esep jáne esep berý - Birikken Ulttar Uıymynyń saýda jáne damý jónindegi konferentsııasynyń (ıÝNKTAD) jumysynyń mańyzdy baǵyttarynyń biri bolyp tabylady.
Osy maqsatta býhgalterlik esepti jáne eseptilikti ázirleý, ozyq tájirıbelerdi bólisý salasyndaǵy eń ózekti máseleler men basymdyqtardy aıqyndaý úshin ǵalamdyq jáne ınklıýzıvti forým retinde Halyqaralyq qarjylyq eseptilik standarttaryna (ISAR) arnalǵan úkimetaralyq jumys toby quryldy.
ISAR sheńberinde taldamalyq zertteýler, jyl saıynǵy otyrystar men semınarlar, halyqaralyq standarttar men álemdik ozyq tájirıbelerdi praktıkalyq iske asyrýǵa járdemdesý úshin basshylyq qujattar jáne tehnıkalyq kómek jobalary boıynsha ótkiziledi.
35-sessııada mynadaı máseleler qarastyrylady:
- tsıfrlyq valıýtalar jáne blokcheın (blok tizbegi): esepke alýdyń saldary;
- qarjylyq jáne qarjylyq emes eseptilikterdegi sońǵy oqıǵalar jáne olardyń SDG úshin saldary;
- turaqty damý týraly esepterdiń salystyrmalylyǵyn arttyrý;
- memlekettik jáne jeke sektorlarda esepke alý men esep berýdiń halyqaralyq standarttaryn praktıkalyq iske asyrý máseleleri.
Qazaqstanda «Memlekettik aýdıt jáne qarjylyq baqylaý týraly» zańy TMM aımaǵynda birinshi bolyp qabyldandy.
Memlekettik organdardyń ishki aýdıt qyzmetiniń tıimdiligine baǵa berildi jáne tıimdilik aýdıtiniń ádistemesi ázirlendi (ishki aýdıt jáne qarjylyq baqylaýdyń is júrgizý standarttary, «Іshki aýdıt qyzmetiniń jumysyna baǵa berý», ishki aýdıt qyzmetiniń tıimdiligin tekserýdiń rásimdik standarttary).
Qazaqstanda 2015-2016 jyldar kezeńinde korporatıvtik eseptilik ınfraqurylymyn baǵalaý júrgizilip, onyń nátıjeleri boıynsha usynymdar berildi.
Qazirgi ýaqytta Qarjy mınıstrligi kásiptik baqylaýdy júzege asyrý boıynsha qazaqstandyq kásibı qaýymdastyqpen belsendi jumys isteýde, sondaı-aq býhgalterler men aýdıtorlardy sertıfıkattaý júıesin jetildirýde.
