Qazaqstan «Irma» daýyly aýmaǵynda «qaýyrt jeli» ashty
ASTANA. QazAqparat - Qazaqstannyń AQSh, Kanadaǵy Elshilikteri, Kýbadaǵy Konsýldyǵy, Domınıkan men Bagamdaǵy qurmetti konsýldary «Irma» daýylyna baılanysty «qaýyrt jeli» ashty. Bul jaıynda QR Syrtqy ister mınstrligi baspasóz qyzmetiniń jetekshisi Ánýar Jaınaqov Feısbýktegi paraqshasynda jazdy, dep habarlaıdy QazAqparat.
«Qazirgi ýaqytta Qazaqstannyń 4 azamaty Domınıkan Respýblıkasyndaǵy Qazaqstannyń qurmetti konsýlymen baılanysqa shyǵyp otyr. Olarǵa «Irma» daýylynan tótenshe jaǵdaı týyndaıtyn sátke nusqaýlyq berildi. Qazirgi ýaqytta bul eldegi qazaqstandyqtardyń sany anyqtalý ústinde»,- dep jazdy ol.
Aıta keterligi, qazirdiń ózinde Karıb basseıni elderinde «Irma» daýylynyń saldarynan mıllıonnan astam adam zardap shekti. Tropıkalyq tsıklon óńirdegi araldardy jaǵalap, AQSh-tyń shyǵys jaǵalaýyna bet alyp barady. Florıda shtatynda tótenshe jaǵdaı rejımi jarııalanyp, birqatar aýdanda adamdardy qaýipsiz jerge kóshirý bastalǵan.
«Osyǵan baılanysty AQSh, Kanadaǵy Elshilikteri, Kýbadaǵy Konsýldyǵy, Domınıkan men Bagamdaǵy qurmetti konsýldary «qaýyrt jeli» ashty jáne Qazaqstan azamattaryna qajetti kómek kórsetýge daıyn», - dedi Á.Jaınaqov.
Tabıǵı apat aımaǵynda júrgen qazaqstandyqtar jergilikti bıliktiń nusqaýlyqtaryn saqtaý qajet jáne shuǵyl kómek qajet bolǵan jaǵdaıda myna nómirlerge habarlasýlary qajet:
Domınıkan Respýblıkasynda: + 1 809 729 79 87 (Domınıkan Respýblıkasyndaǵy Qazaqstannyń qurmetit konsýly). Jedel kómek qyzmeti - 911;
Kýba Respýblıkasynda: +535 869 23 69, +537 206 99 63 (Kýbadaǵy Qazaqstan konsýly), Polıtsııa - 106, jedel járdem - 104, órt qyzmeti - 105;
Bagam araldarynda: +44 7770 300505 (Bagamdaǵy Qazaqstannyń qurmetti konsýly), Jedel kómek qyzmeti - 911, 919, nemese 112 (uıaly telefondar úshin);
Kanadaǵy Qazaqstan Elshiliginiń konsýldyq bólimi: +1 613 695 80 55 (ishki 230, 231) +1 613 413 98 91 +1 613 981 17 13 (Ottavadaǵy konsýl);
AQSh-ta: +1 202 232 54 88 (ishki 121, 127) +1 202 600 56 05 (Vashıngtondaǵy konsýl).
