Qazaqstan IRho-nyń ótkizý arqyly ǵylymı áleýetti damytýǵa erekshe kóńil bólip otyrǵandyǵyn baıqatty - Ekvadorlyq qatysýshy
ASTANA. QazAqparat - Túrli ǵylymı olımpıadalardy ótkizý memlekettiń bolashaq damýy úshin óte mańyzdy. Bundaı pikirdi Astanadaǵy Fızıka boıynsha 45-shi Halyqaralyq olımpıadaǵa (IRho) Ekvadordan kelip qatysqan Djıovannı Rıkardo aıtty.
«Qazaqstanda IRho-nyń ótýi - bul tehnologııalyq jáne ǵylymı áleýetti damytýǵa memleket tarapynan erekshe kóńil bólinýiniń kórsetkishi», - dedi Dj.Rıkardo.
Sonymen qatar Ekvador ókili osyndaı aýqymdaǵy olımpıadany uıymdastyrý úlken jaýapkershilikti talap etetinin jáne Qazaqstan ony joǵary deńgeıde ótkizgendigin atap ótti.
Ekvadorlyq jas fızık osyndaı olımpıadaǵa ekinshi ret qatysyp otyrǵan eken. Osy oraıda ol Qazaqstandaǵy IRho aıryqsha esinde qalatynyn atap ótti.
«Maǵan olımpıadanyń joǵary deńgeıde uıymdastyrylýy qatty unady. Qatysýshylardyń kóptigine qaramastan, osy bilim saıysyn ótkizýge barlyq qajetti jaǵdaı jasaldy. Osynda ózimi jańa dostardy taýyp, Qazaqstannyń halqy men mádenıeti jaıynda qyzyqty málimetter aldym», - dedi ol.
