Qazaqstan IRho qatysýshylary úshin jaqsy áser qaldyrdy - Kambodjalyq jas fızık
ASTANA. QazAqparat - Qazaqstan Fızıka boıynsha 45-shi Halyqaralyq olımpıada (IRho) qatysýshylary úshin jaqsy áser qaldyrdy. Bul jaıynda QazAqparat tilshisine bergen suhbatynda Kambodjadan atalǵan olımpıadaǵa qatysýǵa kelgen Devıd Pıch aıtty.
«Qazaqstan IRho-ny ótkizýge úlken jaýapkershilikpen daıyndalǵanyn baıqadyq. Atap aıtqanda, menimen pikir almasqan barlyq qatysýshylarǵa sizderdiń elderińiz qatty unady. Sebebi, biz ózimiz úshin kóp jańalyqtar ashyp, jańa adamdarmen tanysýǵa múmkindik aldyq. Jalpy Astanaǵa saparymda men qyzyqty ári pozıtıvti áserge bólendim. Osynda kórgenimdi mindetti túrde elime oralǵanymda keńinen baıandap beremin. Olımpıadanyń joǵary deńgeıde ótkizilýine baılanysty uıymdastyrýshylarǵa alǵysymdy aıtamyn», - dedi D. Pıch.
Jas fızıktiń Astananyń sáýlettik erekshelikteri qatty unaǵanyn atap ótti.
«Ásirese, qazaqstandyqtardyń jyly shyraıy men qonaqjaılylyǵy esimde qaldy. Bul turǵyda Qazaqstannyń ary qaraı gúldene berýine jáne damýyna tilektespin. Elderińizdegi beıbitshilik pen turaqtylyq máńgi bolsyn!» - dep atap ótti ol.
