Qazaqstan Iranǵa qarsy sanktsııalar alynýyna qatysty málimdeme jasady
ASTANA. QazAqparat - Irannyń ıadrolyq baǵdarlamasy boıynsha Jan-jaqty qamtylǵan birlesken is-qımyldar jospary (JBІJ) oryndalýynyń bastalýyna qatysty QR Syrtqy ister mınıstrliginiń málimdemesi vedomstvonyń resmı saıtynda jarııalandy.
«Qazaqstan Respýblıkasy Iran Islam Respýblıkasynyń Jan-jaqty qamtylǵan birlesken is-qımyldar josparyna (JBІJ) sáıkes barlyq mindetterin ornyndalýyn quptaıdy.
JBІJ oryndalýy jáne osyǵan oraı BUU-nyń Iranǵa qarsy sanktsııalaryn alyp tastaýy halyqaralyq qatynastarda jańa kezeńniń bastalýyn belgilep, qaýipsiz álemdi qurý jolyndaǵy asa mańyzdy syndarly qadam bolyp tabylady jáne saıası erik bar jerde sabyrly kelissózder men dıplomatııalyq konsýltatsııalar eń kúrdeli degen jahandyq jáne óńirlik máselelerdi sheshýdiń birden bir durys jáne tıimdi amaly ekenin dáleldeıdi», delingen habarlamada.
Qazaqstan ıadrolyq qarýdy taratpaý tártibin nyǵaıtýǵa óz úlesin árdaıym qosyp turýǵa daıyn ekenin málimdeıdi.
