Qazaqstan ırandyq kompanııamen birge Parsy shyǵanaǵynda júk termınalyn ashady

ASTANA. KAZINFORM – Irannyń Qazaqstandaǵy Tótenshe jáne Ókiletti Elshisi Alı Akbar Djoýkar Iran Islam revolıýtsııasynyń 46 jyldyǵyna oraı BAQ ókilderimen kezdesti. Іs-shara barysynda Parsy shyǵanaǵynda Qazaqstannyń júk termınalyn ashý jobasy qaı satyda turǵany aıtyldy.

Termınal Qazaqstanǵa ne beredi?

- Qazirgi jaǵdaıda ırandyq jeke kompanııanyń qatysýymen ózińiz aıtyp otyrǵan jer telimin Qazaqstan tarabymen birlesip ıgerý jobasy pysyqtalyp jatyr. ıAǵnı, bastapqy kelisimder bar. Bıyl júzege asýy múmkin.

Bul jospar júzege assa, Qazaqstanǵa barlyq jaǵynan tıimdi bolar edi. Bender-Abbastaǵy ókildigi arqyly Irannyń ońtústigindegi porttarǵa qol jetkizedi. Sol arqyly Ońtústik Shyǵys Azııa elderine, Afrıka elderiniń, Úndistan men Parsy shyǵanaǵyndaǵy elderdiń naryǵyna shyǵa alady. Bul Qazaqstan úshin teńiz joldaryna erkin shyǵatyn birden bir jol bolady, - deıdi Alı Akbar Djoýkar.

Bastama qaıdan shyqty?

Aıta ketý kerek, Prezıdent Qasym-Jomart Toqaevtyń 2022 jylǵy Iranǵa sapary kezinde Parsy shyǵanaǵyndaǵy Bender-Abbas portynda Qazaqstannyń termınalyn salý úshin 15 gektar jer telimin bólýge kelisken.

Iran elshisi 2023 jyly agenttikke bergen suhbatynda Qazaqstan tarabynan osy termınaldy qashan iske qosyp, paıdalana bastaıtyny týraly áli jaýap ala almaı otyrǵandaryn aıtqan. 

- Eki el basshylarynyń saıası jigeri men tapsyrmalaryn tıisti deńgeıde oryndaı almaı otyrmyz dedim ǵoı. Sonyń bir faktisi osy termınal deýge bolady. Búginge deıin Qazaqstannyń memlekettik organdary da, kvazımemlekettik organdary da Prezıdentterińizdiń osy tapsyrmasyna baılanysty tıisti sheshim qabyldaǵan joq, - degen bolatyn dıplomat.