Qazaqstan Iran men Izraılden 290-nan astam azamatyn aldyrdy

ASTANA. KAZINFORM – Syrtqy ister mınıstrliginiń resmı ókili Aıbek Smadııarov Qazaqstan Iran men Izraılde júrgen 290-nan astam azamatyn elge qaıtarǵanyn málim etti.

Qaıtarylǵan azamattardyń 230 -y Iran Islam Respblıkasynda bolǵan. Al Izarılden qaıtarylǵandardyń sany – 66. 

– Irannan 230 Qazaqstandy elge aldyrdyq. Qazirgi tańda bul elde 50-deı azamatymyz qalyp otyr. Onyń kóbi – dıplomatııalyq qyzmet ókilderi, - dedi ol vedomstvonyń kezekti baspasóz máslıhatynda. 

Aıbek Smadııarovtyń aıtýynsha, Izraılde áli 170-teı azamat júr. 

Buǵan deıin Premer-mınıstrdiń orynbasary – Ulttyq ekonomıka mınıstri Serik Jumanǵarın Iran-Izraıl teketiresiniń Qazaqstannyń syrtqy saýdasyna qalaı áser etip jatqanyn aıtqan bolatyn.