Qazaqstan Iran men Ázirbaıjanǵa astyq jetkizýdi qaıta bastady

ASTANA. KAZINFORM — QR halyqaralyq astyq naryqtaryndaǵy óz pozıtsııasyn nyǵaıtýdy jalǵastyrýda. QTJ derekteri boıynsha 2024 jyly 10,6 mln tonna astyq tasymaldandy, onyń ishinde eksport 8,1 mln tonnany qurady.

Eksporttyq baǵyttardyń ishinde Ózbekstan (3,3 mln tonna), Qytaı (1,7 mln tonna), Tájikstanǵa 1,2 mln tonna astyq jetkizildi, bul 2023 jylmen salystyrǵanda 20%-ǵa artyq. Qyrǵyzstanǵa 140 myń tonna astyq eksporttaldy, bul 2023 jylǵy kórsetkishten 1,9 ese kóp.

Iran men Ázirbaıjan naryqtary qalpyna keltirildi. Iranǵa astyq jetkizý kólemi 2 esege (526 myń tonna), Ázirbaıjanǵa - 1,8 esege (211 myń tonna) ósti.

- 2024 jyldyń qyrkúıeginen jeltoqsanyna deıin 5 mln tonna jańa astyq tasymaldandy, bul 2023 jyldyń sáıkes kezeńinen 50%-ǵa artyq. Eksport kólemi 57%-ǵa ósip, 3,9 mln tonnany qurady. Onyń ishinde Ózbekstanǵa 1.5 mln tonna (ósim 45%), Tájikstanǵa - 633 myń tonna (57%), Aýǵanstanǵa - 190 myń tonna (51%), Qytaıǵa 592 myń tonna (2%) eksporttaldy, - dep jazdy QR AShM-nan.

Iranǵa jetkizilim 30 ese artyp, 455 myń tonnany qurady, Ázirbaıjanǵa 188 myń tonna eksporttaldy (2023 jyldyń qyrkúıek-jeltoqsanynda jetkizilim bolǵan joq).

Aıta keteıik, Prezıdent Qazaqstannyń Gvıneıa-Bısaýǵa dándi-daqyldardy eksporttaý múmkindigi mol ekenin aıtqan bolatyn.