Qazaqstan Túrkistandy Iran boıynsha kelissóz alańy retinde usynýǵa daıyn
ASTANA. KAZINFORM – Qazaqstan Respýblıkasy Syrtqy ister mınıstri Ermek Kósherbaev Iran Islam Respýblıkasy Syrtqy ister mınıstri Abbas Arakchımen telefon arqyly sóılesti.
Taraptar Taıaý Shyǵystaǵy qazirgi jaǵdaıdy talqylap, ekijaqty yntymaqtastyqtyń ózekti máseleleri boıynsha pikir almasty.
Suhbat barysynda Ermek Kósherbaev ırandyq áriptesine Iran tóńiregindegi jaǵdaıǵa baılanysty alańdaýshylyq bildirip, osydan buryn Qazaqstan Respýblıkasynyń Prezıdenti Qasym-Jomart Toqaev málimdegendeı Qazaqstan tarapy Túrkistan qalasyn beıbit kelissózder ótkizýge alań retinde usynýǵa daıyn ekendigin rastady.
Sonymen qatar, taraptar ekijaqty qatynastardyń ózekti máseleleri boıynsha dıalogty jalǵastyrýǵa kelisti.
Aıta ketelik Qasym-Jomart Toqaev qarýly qaqtyǵys bolyp jatqan elderge úndeý jasaǵan edi.
