Qazaqstan ıpotekalyq kompanııasy men onyń enshiles ıpotekalyq uıymy biriktirildi

ALMATY. Jeltoqsannyń 9-y. QazAqparat /Erbol Azanbek/- «Qazaqstan ıpotekalyq kompanııasy» AQ (QIK) men onyń enshiles uıymy «QazIpoteka» ıpotekalyq uıymy»  AQ biriktirilip, qaıta qurylymdalýda. Bul týraly búgin Almatyda arnaıy ótken baspasóz máslıhatynda QIK basqarma tóraǵasynyń orynbasary Farhad Toqobaev málimdedi,

 dep habarlaıdy QazAqparat.

Onyń aıtýynsha, osyǵan deıin «Ulttyq ál-aýqat qory qyzmeti», «QR bankter men bankter qyzmeti» týraly zańdarǵa ózgerister engizilgen bolatyn. Bul ózgeristerge sáıkes bankter, ıpotekalyq uıymdar, ulttyq basqarýshy holdıngtiń enshiles uıymdarynyń aýyl sharýashylyq kesheni salasyna aqylyq, jedeldik jáne qaıtarymdyq túrmen aqsha túrinde nesıe berýi bankterdiń zeamdyq operatsııalaryna jatqyzylǵan. Osy ózgeriske sáıkes QR Qarjy naryǵy men uıymdaryn qadaǵalaý, retteý agenttigi usynysymen «QIK» AQ-y aktsıonerleriniń jalpy jınalysynda QIK-na enshiles kompanııasyn qosý jóninde sheshim qabyldanǵan. Qosylýǵa sáıkes  buǵan deıin enshiles kásiporyn júzege asyryp kelgen ıpotekalyq nesıeleýdi «QIK»AQ júrgizetin bolady.  Sondaı-aq  ekinshi deńgeıli bankterdi nesıelendirýdi de jalǵastyrady.

«Qurylymdaý jumystary aıaqtalǵan soń, «QIK» AQ banktik operatsııalardy júrgizý úshin QR QQA lıtsenzııasyn alyp, 2010 jyldan bastap tikeleı ıpotekalyq nesıeleý naryǵyna shyǵady. ıAǵnı azamattarǵa tikeleı ıpotekalyq zaımdardy berýdi qolǵa alady», deıdi F.Toqobaev. Onyń aıtýynsha, buǵan deıin «QazIpoteka» ıpotekalyq uıymy»AQ bergen nesıeler «QIK» AQ esbine aýdarylady. Buǵan deıin QIK enshiles kompanııasy 1 200 qazaqstandyqqa 11 paıyzdyq ósimmen ıpotekalyq nesıe bergen. «Aldaǵy ýaqytta da «QIK»AQ-nyń paıyzdyq ósimi ekinshi deńgeıli bankterden tómen bolady», deıdi QIK basqarma tóraǵasynyń orynbasary.