Qazaqstan ıpotekalyq kompanııasy men koreıalyq korporatsııa yntymaqtaspaq
ALMATY. QazAqparat - Qazaqstan ıpotekalyq kompanııasy men Koreıanyń Turǵyn úıdi qarjylandyrý korporatsııasy eki eldiń ıpoteka naryǵyn damytý boıynsha birlesken is-sharalardy júzege asyrý týraly kelisimge keldi, dep habarlaıdy QazAqparat tilshisi «QIK» AQ baspasóz qyzmetine silteme jasaı otyryp.
«Qazaqstan ıpotekalyq kompanııasy» IU» AQ-nyń Basqarma tóraǵasy Ádil Muhamedjanov pen Koreıanyń Turǵyn úıdi qarjylandyrý korporatsııasynyń (TQK) Prezıdenti Kım Dje Chon ózara túsinistik týraly memorandýmǵa qol qoıdy», delingen habarlamada.
Memorandýmda turǵyn úıdi qarjylandyrý naryǵyn basqarýǵa baǵyttalǵan qarjy quraldary týraly aqparattarmen almasý, sondaı-aq eki el kompanııalary arasynda tájirıbe bólisý boıynsha yntymaqtastyqty nyǵaıtý máselesi qarastyrǵan.
«Biz koreıalyq áriptesterimizben tájirıbe almasý múmkindigin baǵalaımyz. Tájirıbe almasý eki kompanııaǵa da eki eldiń ıpotekalyq naryǵyn damytýǵa baǵyttalǵan jańa tájirıbelik bilim berýge jol ashady», - dedi «QIK»IU» AQ Basqarma tóraǵasy Ádil Muhamedjanov.
