"Qazaqstan ıpotekalyq kompanııasy"Ipotekalyq uıymy" AQ-nyń alǵashqy jartyjyldyqtaǵy taza tabysy 1 059 736 myń teńgeni qurady
ALMATY. Qyrkúıektiń 16-sy. QazAqparat /Erlik Erjanuly/ - Búgin Almatyda "Qazaqstan ıpotekalyq kompanııasy" Ipotekalyq uıymy" AQ jartyjyldyqtyń qorytyndysy týraly baspasóz máldimdemesin taratty.
Aýdıttelgen qarjylyq esep qorytyndysy boıynsha kompanııanyń kirisi 6 605 991 myń teńgeni, al taza tabys 1 059 736 myń teńgeni qurady. Ótken jyldyń sáıkes kezeńin aktsıonerlik qoǵam shyǵynmen aıaqtap, ol 3 212 274 myń teńge kóleminde bolǵan edi. Bıyl onyń aktıvteri 238 577 myń teńgege, mindettemeleri 238 577 myń teńgege ulǵaıyp otyr. Shildeniń 1-inde aktıvter - 103 471 283 myń teńge, al mindettemeler - 80 855 657 myń teńge boldy. Jeke kapıtal - 302 764 myń teńgege, qaryz qorjyny - 2 006 492 myń teńgege kemidi. Al olardyń jalpy kólemi jeke kapıtalda - 22 615 626 myń, qaryz qorjynynda - 66 021 780 myń teńgeni qurap otyr. 1-shi jartyjyldyqta kompanııada 107,5 mıllıard teńgeniń oblıgatsııasynyń 21 shyǵarylymy tirkeldi.
