«Qazaqstan ınjınırıng» UK» AQ-da Dırektorlar keńesiniń tóraǵasy aýysty

ASTANA. 17 qazan. QazAqparat - Qazaqstan Respýblıkasy Qorǵanys mınıstriniń orynbasary Ábdiraıym Baqytjan Jarylqasynuly QR Qorǵanys mınıstriniń buıryǵymen «Qazaqstan ınjınırıng» UK» AQ-da Dırektorlar keńesiniń tóraǵasy qyzmetine taǵaıyndaldy. Bul týraly «Qazaqstan ınjınırıng» UK» AQ baspasóz qyzmetinen habarlady.

48 jastaǵy B. Ábdiraıym buryn QR Qorǵanys mınıstrligi janyndaǵy «Áskerı-strategııalyq zertteýler ortalyǵy» AQ basqarǵan, sondaı-aq L.N. Gýmılev atyndaǵy Eýrazııa ulttyq ýnıversıtetiniń rektory bolǵan. Parlamenttegi QR Prezıdenti ókildiginiń basshysy, QR Parlamenti Senatynyń Apparat basshysy qyzmetterin atqarǵan.

Sondaı-aq, Qazaqstan Respýblıkasy Joǵarǵy sotynyń sýdıasy jáne QR Joǵarǵy Arbıtrajdy sotynyń sýdıasy qyzmetterin atqarǵan.

QR UǴA qurmetti akademıgi, QR Zań ǵylymdary akademııasynyń akademıgi, zań ǵylymdarynyń doktory, professor.

Onyń aldynda Dırektorlar keńesiniń tóraǵasy bolǵan Sergeı Gromov aǵymdaǵy jyldyń tamyz aıynda Prezıdent jarlyǵymen QR Parlamenti Senatynyń depýtaty bolyp taǵaıyndaldy.