«Qazaqstan ınjınırıng» tóraǵasynyń burynǵy orynbasaryn qamaý merzimi uzartyldy
ASTANA. QazAqparat - «Qazaqstan ınjınırıng» tóraǵasynyń burynǵy orynbasary Qanat Sultanbekovty qamaýda ustaý merzimi uzartyldy. Bul týraly Astana qalalyq sotynyń baspasóz qyzmeti habarlady.
«2017 jyldyń 6 sáýiri kúni Astana qalasy №2 Esil aýdandyq soty Sultanbekov Qanat Tańatarulynyń qamaýda ustaý merzimin 2017 jyldyń 16 maýsymyna deıin uzartty», - dep habarlady sot ókilderi.
Eske salaıyq, «Qazaqstan ınjınırıng» UK» AQ» basqarmasy tóraǵasynyń burynǵy orynbasary Qanat Sultanbekov aqpan aıynyń sońynda qamaýǵa alynǵan edi. Sot UQK tergeýshisiniń qoldaýhatyn qarap, 2 aıǵa qamaýǵa alý túrinde bultartpaý sharasyn sanktsııalady. Ázirge ony ustaý sebepteri aıtylǵan joq.
Budan buryn habarlaǵandaı, onyń ókilettigi merziminen buryn toqtatyldy. 2015 jylǵy aqpannan bastap ol osy laýazymdy atqardy. Budan buryn Qanat Sultanbekov Astana ákiminiń orynbasary bolǵan.
