«Qazaqstan ınjınırıng» ǴZI» JShS-nyń bas dırektory taǵaıyndaldy

ASTANA. 22 qańtar. QazAqparat - «Qazaqstan ınjınırıng» UK» AQ basqarmasynyń otyrysynda «Qazaqstan ınjınırıng» ǵylymı-zertteý ınstıtýty» JShS-nyń dırektory qyzmetine Áýez Baıdabekov taǵaıyndaldy. Ol buǵan deıin L.Gýmılev atyndaǵy Eýrazııa ulttyq ýnıversıtetinde ınjenerlik grafıka jáne dızaın kafedrasynyń meńgerýshisi bolǵan edi.

Á.Baıdabekov - tehnıka ǵylymynyń doktory, professor, QR Ulttyq mashına jasaý jáne kólik ǵylym akademııasynyń akademıgi. Qazaq polıtehnıkalyq ınstıtýtyn, Kıev ınjenerlik qurylys ınstıtýtyn, Máskeý avıatsııalyq ınstıtýtyn bitirgen. 5 oqýlyqtyń, 10-nan astam oqý-ádistemelik kómekshi quralynyń avtory. 130-dan astam jarııalanymy, 4 monografııasy jaryq kórgen.