«Qazaqstan ınjınırıng» AQ-da enshiles jáne táýeldi uıym jetekshileriniń keńeıtilgen jıyny ótti
Kompanııa basshylyǵy 2013 jyldy qorytyndylap, 2014 jyldyń josparymen bólisti.
Bul týraly «Qazaqstan ınjınırıng» UQ» AQ-nyń baspasóz qyzmetinen habarlady.
Jıylǵandardyń aldynda sóz sóılegen «Qazaqstan ınjınırıng» UK» AQ tóraǵasy Bolat Smaǵulov «kompanııanyń alǵa qoıylǵan josparly mindetterine qol jetkizgenin» aıtty. B.Smaǵulov kompanııa toby kórsetkishiniń turaqty óskenin erekshe atap ótti. Ol «Qazaqstan ınjınırıng» kompanııasynyń Fitch Ratings agenttiginiń halyqaralyq reıtingisinde «Turaqty» damyp kele jatqan uıym dep baǵalanýymen kórinis tapqan.
«Aıaqtalyp kele jatqan jyly biz eki ınvestıtsııalyq jobany iske qostyq, - dep habarlady Bolat Smaǵulov. - Birinshisi - «Qazaqstan Aselsan ınjınırıng» elektrondy-optıkalyq quraldar zaýytynyń iske qosylýy, ekinshisi - «Semeı ınjınırıng» AQ-da óndiristiń jańartylýy. Eki kásiporyn da biregeıligimen erekshelenedi. Eldiń qorǵanys qabiletin arttyrýda mańyzdy rolge ıe».
Jalpy alǵanda kompanııa toby boıynsha sońǵy úsh jylda ınvestıtsııa kólemi 25 mıllıard teńgeni quraǵan. Investıtsııalar transferti 200 mıllıon dollardan asqan. Kompanııa tobynyń ǵylymı zertteýlerine shamamen 80 mıllıon teńge baǵyttalǵan.
Al sońǵy úsh jyldyń ishinde respýblıkalyq bıýdjetke shamamen 16,5 mıllıon teńge salyq tólegen.
