«Qazaqstan ınjınırıng» 2013 jyly tehnıkalyq mamandyqtar boıynsha oqýǵa túsýshilerge granttar taǵaıyndaıtyn bolady
ASTANA. 11 naýryz. QazAqparat - «Qazaqstan ınjınırıng» jas mamandardy oqytyp, daıyndaý úshin baǵdarlama daıyndap shyǵardy. Bul týraly búgin «Qazaqstan ınjınırıng» Ulttyq kompanııasy» AQ basqarma tóraǵasy Bolat Smaǵulov baspasóz máslıhatynda málimdedi.
«Biz elimizdiń bedeldi joǵary oqý oryndarymen birlesip, kadr daıyndaý jumystaryn qolǵa aldyq. Sonyń nátıjesinde biz jas mamandardy oqytyp, daıyndaıtyn bútindeı bir baǵdarlama jasap shyǵardyq. Meniń oıymsha, bıyl ózimizdiń granttarymyzdy taǵaıyndaımyz. Óıtkeni bizge zamanaýı tehnologııanyń tilin biletin jas mamandardyń jańa tolqyny qajet», - dep atap ótti ol.
