«Qazaqstan ınjınırıng» 2011 jyldyń 9 aıyn 780 mln. teńgege jýyq tabyspen aıaqtady

Bul jóninde kompanııa prezıdenti Bolat Smaǵulov AQ-nyń qarjylyq-sharýashylyq nátıjesi qortyndylaryna arnalǵan keńeste málim etti, dep habarlaıdy kompanııanyń baspasóz qyzmeti.

«Qazaqstan ınjınırıng» kompanııalary tobynyń ótkizgen ónimderiniń jalpy kólemi 24 mlrd. teńgeden asty. Sondaı-aq azamattyq baǵyttaǵy ónim óndirý 107 paıyzǵa, al temirjol keshenine arnalǵan ónimder shyǵarý 13 paıyzǵa asyra oryndaldy.

«Qazaqstan ınjınırıngtiń» barlyq óndiristik salasynda qazirgi kúni oń ózgerister baıqalady. Bul memleket tarapynan qazaqstandyq qamtýdy arttyrýdy yntalandyrý saıasatynyń tikeleı jemisi», - dep atap ótti B.Smaǵulov.

«Qazaqstan ınjınırıng» kompanııasy «Samuryq-Qazyna» ulttyq ál-aýqat qory» AQ quramyna kiredi jáne QR qorǵanys mınıstrliginiń basqarýynda.

Kompanııa kásiporyndary munaıgaz, temirjol, agroónerkásip, jylý-energetıka kesheni, sondaı-aq áskerı tehnıkalardy shyǵarý jáne jóndeý jumystarymen aınalysýǵa mamandanǵan. Kompanııa quramyna 15 uıym kiredi, onyń 14-i mashına jasaý zaýyttary bolyp tabylady.