Qazaqstan ınvestıtsııalyq reıtıngte 17 satyǵa kóterildi
ASTANA. KAZINFORM — Qazaqstan bir jyl ishinde jahandyq ınvestıtsııalyq reıtıngte 17 satyǵa joǵarylady. Bul týraly jalpyulttyq onlaın-marafonda aıtyldy.
Elimiz 53-orynǵa jaıǵasyp, Ortalyq Azııa memleketteri arasynda eń joǵary kórsetkishke ıe boldy.
Sarapshylar Qazaqstannyń ınvestıtsııalyq tartymdylyǵy artyp kele jatqanyn atap ótedi.
— Negizgi baǵyttar — energetıka, ınfraqurylym jáne tsıfrlyq tehnologııalar. Áleýmettik ınfraqurylym da damyp keledi. Sońǵy alty jylda 1200 mektep salynyp, balabaqshalar sany úsh jylda 720-ǵa artyp, shamamen 12 myńǵa jetti, — deıdi olar.
Budan buryn ımport almastyrý men ınvestıtsııa Qazaqstan ekonomıkasyn qalaı ózgertip jatqanyn jazǵan bolatynbyz.
