Qazaqstan ınvestıtsııasymen Ózbekstanda mıneraldy tyńaıtqyshtar zaýyty ashylady

TAShKENT. QazAqparat – Prezıdent Qasym-Jomart Toqaevtyń Ózbekstanǵa memlekettik sapary aıasynda eki eldiń birlesken birqatar jobasy iske qosyldy. Bul týraly QazAqparat Aqordaǵa silteme jasap habarlaıdy.

Jobalardyń biri – Ózbekstannyń Naýaı oblysyndaǵy fosfor jáne keshendi mıneraldy tyńaıtqyshtar óndiretin kásiporyn. «Qazfosfat» JShS jáne «Ýzkımesanoat» AQ qatysýymen júzege asyrylatyn óndiristiń jobalyq quny – 1,3 mıllıard dollar. Jobanyń 2022-2024 jyldarǵa josparlanǵan birinshi kezeńinde «Navoııazot» bazasynda kalıı selıtrasy (100 myń tonna) men kalıı sýlfaty (100 myń tonna) óndirisin jolǵa qoıý josparlanyp otyr.

Joba aıasynda 150 jumys orny ashylady. Al, óndiristiń ekinshi jáne úshinshi kezeńderi Almalyq jáne Ferǵana qalalarynda jalǵasady.

Foto: t.me/bort_01