Qazaqstan ınvestıtsııalyq klımat boıynsha OA elderi ishinde 1-orynda
«Investıtsııalyq klımatty jaqsartý biz úshin úlken basymdyqqa ıe. Sońǵy onjyldyqta Qazaqstan ekonomıkasynyń túrli sektoryna shamamen 250 mlrd AQSh dollary bolatyn tikeleı ınvestıtsııa tartyldy. 2017 jyly tikeleı sheteldik ınvestıtsııalar aǵyny 21 mlrd AQSh dollaryn qurady. Onyń tórtten bir bóligi óńdeý ónerkásibine baǵyttaldy. Shıkizattyq emes sektorǵa barlyq sheteldik ınvestıtsııalardyń shamamen 51 protsenti arnalǵan. Bıyl da oń dınamıka saqtalyp keledi. 2018 jyldyń alǵashqy alty aıynda iri ınvestorlarmen 69 jańa jobalar boıynsha ýaǵdalastyq jasaldy. Onyń arasynda AQSh, Qytaı, Túrkııa, BAÁ, Ulybrıtanııa, EO elderiniń 10 kópulttyq kompanııasy bar», - dedi B. Saǵyntaev óz sózinde.
Onyń aıtýynsha, Qazaqstan Ortalyq Azııada ınvestıtsııalyq klımat boıynsha 1-oryn alady, Ortalyq Azııa elderine salynǵan ınvestıtsııalardyń 70 protsentten astamy Qazaqstanǵa tıesili. Invest klımatty jaqsartý maqsatynda bizdiń memleket reformalar ótkizip, ashyq dıalogpen qamtamasyz etýde jáne ınvestıtsııa tartý úshin ınfraqurylymdardy jaqsartýda.
«Sońǵy 4 jylda Qazaqstannyń salyq, keden jáne kásipkerlikke memlekettik qoldaý salasynda 52 reforma júrgizildi. ıAǵnı, bir jylda orta eseppen 13 reforma bolǵan. Mysal retinde bızneske ákimshilik qysymdy azaıtý boıynsha reformany keltirýge bolady. 2018 jyldyń mamyr aıynda Prezıdent Nursultan Nazarbaev bıznes klımatty jaqsartý boıynsha myńnan astam túzetýler, 14 kodeks jáne 109 zańdy qamtıtyn zańnamalyq paketke qol qoıdy», - deıdi Premer-Mınıstr.
Qazaqstanda baqylaý-qadaǵalaý fýnktsııalary 30 protsentke, ruqsat berý talaptarynyń sany - 56 protsentke azaıǵan. Tekserýshi organdardyń myńǵa jýyq shtaty qysqartylǵan. Aldyńǵy qatarly halyqaralyq standarttarǵa saı keletin jańa salyqtyq jáne kedendik rejımder engizilgen.
«Salyq Kodeksindegi salyqtyq júkteme ońtaılandyrylyp, jeńildikter jasaldy. Jańa salyqtyq kodekste protsedýralardyń ádil ótýi qamtamasyz etilgen jáne taýardy avtomatty túrde ótkizýge múmkindik beretin elektrondy deklaratsııalaý engizilgen. Memlekettik-jekeshelik áriptestik salasynda jobalardy josparlaý rásimi ońtaılandyryldy, endi barlyq ınvestorlar MJÁ tabysty júzege asqan jobalarynyń biryńǵaı bazasyn kóre alady», - dep óz sózin jalǵastyrdy B. Saǵyntaev.
Qazaqstannyń kóshi-qon jáne eńbek zańnamalary da jaqsartylyp, sheteldik jumys kúshin tartý rásimi ońtaılandyryldy. 2016 jyldan bastap, barlyq ınvestorlar úshin bir tereze prıntsıpi jumys isteıdi jáne Qazaqstannyń barlyq oblysynda ınvestorlarǵa qyzmet kórsetetin keńseler ashylǵan. QR Prezıdenti janyndaǵy Sheteldik ınvestorlar keńesi 20 jyldan astam ýaqyt boıy ınvestorlar men Úkimettiń dıalogtyq alańyn uıymdastyryp keledi.
«Qazaqstan Eýrazııalyq ekonomıkalyq odaqqa múshe, odaqtyń basty artyqshylyǵy - kólemi 4 trln AQSh dollarynan astatyn kedendik shekarasyz naryq pen 180 mln astam halyq bolyp otyr. Tıimdi geografııalyq ornalasýynyń arqasynda, Qytaı, Reseı jáne Ortalyq Azııa elderimen kórshilikte Qazaqstan jaqyn mańdaǵy 300 mln halqy bar naryqqa shyǵý úshin qolaıly alańǵa aınaldy», - dedi spıker.
Sonymen birge, 2016 jyldan beri EýrazEQ elderi arasynda erkin saýda aımaǵy týraly kelisim jumys isteıdi. Sondaı-aq Egıpet, Izraıl, Serbııa, Sıngapýr elderimen saýda-ekonomıkalyq yntymaqtastyqty keńeıtýde belsendi jumystar atqarylyp jatyr. DSU jáne EEO aıasynda Qazaqstan lıtsenzııalyq rásimderdiń ashyqtyǵyn jáne qyzmet kórsetý sektorynyń talaptaryn saqtaý mindettemelerin alǵan.
"Búginde Qazaqstan JІÓ jartysyna jýyǵy qyzmet kórsetý salasynda qalyptasyp keledi. Sonymen birge, DSU aıasynda Qazaqstan sheteldik ınvestorlarǵa kólik-qurylys, saýda jáne energetıkalyq syndy qyzmet kórsetýdiń negizgi salalarynda birdeı qolaıly jaǵdaı jasaýǵa kepildik bergen. Osylaısha, Qazaqstan ınvestıtsııalarǵa járdemdesýde DSU men EýrazEQ aıasyndaǵy halyqaralyq talaptarǵa sáıkes, barlyq prıntsıpterdi tolyǵymen ustanyp keledi", - dep atap ótti Premer-Mınıstr.
Bul turǵyda Qazaqstan ınvestıtsııaǵa járdemdesý máselelerin kópjaqty deńgeıde, ásirese DSU alańynda talqylaýdy jalǵastyrýdy mańyzdy dep esepteıdi.
«Biz DSU múshe memleketterdi DSU beıresmı dıalogyna qosylýǵa shaqyramyz. Bul dıalog aıasynda ulttyq tájirıbe týraly aqparat almasýǵa bolady. Bul bastama zamanaýı álem úshin DSU ózektiligin aıǵaqtap, halyqaralyq saýda men jahandyq ekonomıkanyń ósýine yqpal etedi dep úmittenemiz», - dedi Baqytjan Saǵyntaev.
