Qazaqstan ınvestıtsııalyq ahýaldy jaqsartý úshin ne isteıdi

NUR-SULTAN. QazAqparat – Qazaqstan ınvestıtsııalyq ahýalyn jaqsartý ishin birqatar bastama jasaıdy. Bul týraly QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Investıtsııalyq ahýaldy jaqsartý boıynsha biraqatar bastamalardy iske asyrý josparlanǵan. Birinshiden, Sheteldik ınvestorlar keńesimen birlesip, osy jyldyń birinshi jartyjyldyǵynda Jaqsartylǵan modeldik kelisimshartty engizý jumysy aıaqtalady. Ekinshiden, ıgerýdiń sońǵy satylarynda turǵan munaı-gaz ken oryndary úshin jer qoınaýyn paıdalanýǵa balamaly salyq engizý máselesi pysyqtalady», - dedi ol mınıstrliktiń keńeıtilgen alqa otyrysynda.

Mınıstrdiń aıtýynsha, úshinshiden, jer qoınaýyn paıdalaný quqyǵyn berý kezinde rásimderdi ońaılatý, ashyqtyqty qamtamasyz etý bóliginde zańnamaǵa ózgerister engiziledi.

«Birinshi vıtse-mınıstr M.Jórebekovke, vıtse-mınıstrler A.Hasenov jáne A.Maǵaýovpen birlesip, zańnamaǵa tıisti túzetýler ázirleýdi jáne olardy múddeli taraptarmen pysyqtaýdy qamtamasyz etýdi tapsyramyn», - dedi Bolat Aqsholaqov.